Mitteko 7:23 - Mawu a Mulluku

²³ “Mose aariiye ni miyakha 40, aaganiza m'murimani mwaye wi awoone Aisraele akhwaaye mmo enakhallelliiwa.

Mitteko 7:23 ပူးပေါင်းရင်းမြစ်များ

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Yawuupullulla 17:17

Vawi Mulluku ohaavaha mamwenaalla murima woopaalla weera yoolingaaye vawiiwananani ovelleella masiviiwa ni olamulellwiiwa wa enama yuullupalli yawoopiha ophiyera mawaaye ekwakhwanihiwe.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Mitteko 15:36

Viviralle mallapo mamodda Paulo aallota wa Baranaba wi, “Hanko nihokollowe niye naweetelleke asinnihu ni arokorihu mu matawoni mmo nallalleyeehumo mawu a Apwiya wi nawoone yaari phaama.”

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

Ezara 1:1

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

Eksodo 35:29

Sika Aisraele attheene, allopwana ni atthiyana, ayo yavelleella mwa opaalla wiwa o mutteko oyo Apwiya yalamulalliiwa oweella mwa Mose, yaawa ni ddoovelleella ddiwa wa Apwiya.

Eksodo 35:21

Nave arive muthu, moollikana ni mmo murimaaye muttheene wapaallelliiwa, aawa wa Apwiya ni ddoovelleella ddoomakella musasa wamutthukumano ni ddoopangella ezipangizo ddiwa ddittheddene owaakattho dda ddoowara ddoopatuleya.

Eksodo 4:18

Vano Mose aahokollweella wa Yetero, attiitthinnya a mwaariyaalle, aalleella wi, “Pepaani mukaakhullelle wi kihokollweelle o Iguputo wa abalaaka wi kawoone yaarimi eri ni okumi.” Yetero aamwaakhullella Mose wi, “Khaweni ni murendelle.”

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

Eksodo 7:7

Enthawi yeeyo yallotiiwa ni Farao, Mose aari ni miyakha 80 nave Aroni aari ni miyakha 83.

Mitteko 7:24

Aamoona mu Muisraele mmodda ahoosiwaka ni Muiguputo. Vano aayaawo amwaakihera nave voomwaakiherani aamwiipha Muiguputooyo.