Mitteko 6:5 - Mawu a Mulluku

⁵ Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 6:5 ပူးပေါင်းရင်းမြစ်များ

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Mitteko 21:8

Osaka wene naatimulla naphiya o Kaisareya. Naavollowa mpa mwa Filipo* oollalleya, oyo aari mmodda mwa athu atthanu ni eelli ayo yatthoolliwe wi yaakavihereke amurummwa.

Mitteko 6:8

Sitefanooyo aaddalla ni echisomo ni masiva ddoovenyera wa Mulluku wawi aheera ddoottikhiniha dduullupalli ni ezizindikiro ddinchichi variyari va athu.

Mitteko 7:1

Mullupa mukutho muullupalli aamukoha Sitefano wi, “Ethiyo tti ddawoona ddenndda?”

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Mitteko 11:19

Ookhulupilila amodda ayo yapallalleyille ekaamba ya ohoosiwa waambeyille Sitefano iiphiweeye yaaphiya o ezigawo dda Fenisiya, Kupro ni o muzinda wa Antiyokeya,* ollalleya othenga wa Ayudave.

Mitteko 6:10

Koma kheyaaworille ollipana ni ezeru nnddo Sitefano avahiweeye ni Munepa Waweella mu ddoollota ddaye.

Miyambo 15:23

Muthu annahakallalla ni waakhulla waphaama wa muwano mwaye. Ethiyo mawu oollotiwa mu enthawi yoophwanellella khehiyo aphaama?

Yawuupullulla 2:15

Amodda a nyuwaano munneera emoddamoddave yeeyo voothwarani ehuddiho ya Anikolai.*

Yawuupullulla 2:6

Koma ello yaphaama muneereenyu tti yawi, munnaphwanaphwana ni miyaano vawiitanani ni ddaweera dda a Nikolai.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Genesis 41:37

Farao ni enduna ddaye yahaakhullella ddittheddene allotille Yosefe.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 11:22

Epilleella yaaphiya wa mpingo mu Yerusalemu, sika yaamurumiha Baranaba wi aye o Antiyokeya.

Mitteko 11:26

Amuphwanyilleeye, aamukusella o Antiyokeya nave wa muyakha muttheene yaakumana ni mpingo ni ohuddiha mulloko wa athu muullupalli. Waari o Antiyokeya nko ookhulupilila yaambilliiwa oromolliwa wi akhrisitu.

Mitteko 11:27

Vano mallapo yaayo anamallotella o Yerusalemu yaaya o Antiyokeya.

Mitteko 22:20

Nave mbonaanyu Sitefano iiphiweeye, miyaano meekha kaari vaavo, kaakhullellakana ni wiiphiwa waye nave owehera ddoowara dda ayo yamwiiphaayo.’