Mitteko 6:14 - Mawu a Mulluku

¹⁴ Naamwiiwa allotaka wi Yesu a o Nazareti aneerokumulla enyumba ya Mulluku navettho aneerowaakakhaniha malamulo mattheene a makhollwaahu ayo Mose aavahilleeye makhollwaahu!”

Mitteko 6:14 ပူးပေါင်းရင်းမြစ်များ

Mitteko 21:21

Yaanalleelliwa wi onnaahuddiha Ayuda attheene ayo enakhalla ellapo dda athu ayo ehiri Ayuda wi ehithwareke malamulo a Mose. Wahaalleellattho wi ehaaphaddeke aniiwa apaalle opwatha makhallello a Ayuda.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Mitteko 15:1

Athu amodda oovenyera o Yudeya yaaya o Antiyokeya* yaamba waahuddiha athu ookhulupilila wi, “Mwaahiphaddiwa moollikana ni malamulo a Mose khamuwora ovullusiwa.”

Agalatiya 3:23

Nave enthawi ya echikhulupililo ehinaphiye, naamakiwa ni malamulo wonanko a mundende ophiyera echikhulupililo yuupullulliwe.

Agalatiya 3:19

Vano yoolinga ya malamulo tti tini? Yahaanjereriwa wi yoonihe machimo nave yaaphwanella wi ekhallevove ophiyera owa wa edduullu ya Abrahamu, oyo eerelliwe lonjezonno. Malamulo yavelleelliwe wa Mose oweella mwa angelo. Nave Mosooyo aari wonanko namunkhoswe.

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

Yohane 4:21

Yesu aallota wi, “Moowe Kiiwellelleni, enthawi eneerokwakhwana yawi athu khewa yaallapella Attiitthiiwa naari vamwaangonoolla apaalle o Yerusalemu.

Luka 21:6

“Ddittheddene munooneenyundda, mallapo eneerophiya awi khavikhalla nlluku naari nimodda va nikhwaaye nihinaamorihiwe.”

Mitteko 26:3

Vawi nyuwaano munnadduwella phaama makhallello mattheene a Ayuda ni ohiiwanana wiwa. Kinuuvekani vano wi mukiiwellelle mwawiithaalla.

Mitteko 25:8

Koma Paulo mwawiiteteza aallota wi, “Ngichimwenlle malamulo a Ayuda apaalle enyumba ya Mulluku apaalle Kaisara.”*

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Mariko 14:58

“Hi naamwiiwa allotaka wi, ‘Miyaano kineerokumulla enyumba ya Mullukweella yoomakiwa ni athu nave vavira mallapo mararu kineeromaka emodda yoohimakiwa ni athu.’ ”

Mateyu 26:61

Nave yaallota wi, “Muthu yoolla aallota wi, ‘Miyaano kineerowora okumulla enyumba ya Mulluku ni oyimakattho m'mallaponi mararu.’ ”

Zekariya 11:1

We Lebanoni, hulla millako ddawo wi munllo oshellellihe mikunguza ddawo.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:12

Vano Yeremiya ahaalleella oohoollella ni athu attheene wi, “Apwiya sika yakirumalle wi killalleye mawu mattheene mwiiwalleenywaalla oollota dda enyumbiiwa ni muzindoolla.

Yesaya 65:15

Athwaaka ootthoolliwa eneeroromolla nnddina nanyu vootembelelani nave mi Apwiya Mulluku kineerowiiphani. Koma oyo anakiiwellella miyaano kineeromuvaha nnddina nanaanweene.

Yohane 2:19

Yesu ahaakhulla wi, “Kumullani enyumba ya Mullukweella nave kineeroyimakattho mallapo mararu.”