Mitteko 6:12 - Mawu a Mulluku

¹² Sika Ayuda, attekweeniiwa ni ahuddihi a malamulo* yaamushella murima Sitefano. Yaamuphara Sitefano emukusella vanthatoni namillatu.

Mitteko 6:12 ပူးပေါင်းရင်းမြစ်များ

Miyambo 15:18

Muthu oosha murima mwawaakuva annaambiha okangana koma oowuphara murima annawiiha murendelle.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mateyu 26:57

Vano ayo yammakille Yeswaayo yaamukusella wa Kayafa, mullupa mukutho muullupalli, nko yatthukumanne ahuddihi a malamulo* ni attekweene a Ayuda.

Mitteko 21:27

Nave mallapo matthanu ni meelli a oddeelliha yahaanlliiwa vang'ono omalla, Ayuda amodda oovenyera o echigawo ya Asiya* yaamoona Paulo mu enyumba ya Mullukummo. Yahaakopa athu attheenaayo nave yaamuphara Paulo.

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 5:27

Yawiilliiwana amurummwa, yaawiimesa vamiitthoni va attekweene a millatu nave mullupa mukutho muullupalli aamba waakoha.

Mitteko 5:18

Yahaaphara amurummwaayo yaahiya mundende.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mitteko 18:12

Koma Galio eeriweeye wi akhalle oolamulella a Roma o Akaiya, Ayuda yaatthukumana vamodda, emuphara Paulo eyaana o nthato namillatu.

Luka 20:1

Nllapo nimodda Yesu aariiye mu enyumba ya Mulluku aahuddihaka athu ni ollalleya othenga waphaama, allupa mukutho uullupalli, ahuddihi a malamulo* ni attekweene a Ayuda* yaawa.

Mitteko 6:11

Vano yahaaphwanya athu amodda yaavaha makobiri wi yalloteke wi, “Naamwiiwa amullotellaka epewe Mose ni wa Mulluku!”