Mitteko 6:10 - Mawu a Mulluku

¹⁰ Koma kheyaaworille ollipana ni ezeru nnddo Sitefano avahiweeye ni Munepa Waweella mu ddoollota ddaye.

Mitteko 6:10 ပူးပေါင်းရင်းမြစ်များ

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

1 Akorinto 2:4

nave ohuddiha waka ni othengaaka ngawuuvellelle ni mawu ootthopoowa eezeru dda muthu koma ni woonihella wa masiva a Munepa a Mulluku.

Yohane 7:46

Akhotwaalle yahaakhulla wi, “Khaavo anallota wonanko muthu yoolla!”

Yobu 32:8

Koma munepa wa Mulluku Amasiva Mattheene sika anavollowa mwa athu ni waavaha ezeru.

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Luka 1:17

Aneeroowa vahoollo va Apwiya, mwa munepa ni mwamasiva a namallotella Eliya. Aneerowaattaniha makhollo ni aniiwa nave aneerewaarukunusa mirima athu oohiiwellella wi ekhalle ni ezeru wonanko dda athu oolungama. Aneeroweeriha athu wi yaakhozekelle Apwiya.”

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Ezekiele 3:27

Koma kaawaambaka ollota ni weyaano kineerewuuvaha masiva oollotella. Nave oneerewaalleella wi, ‘Nnddo enallota Apwiya Mulluku tti nndda.’ Oopaalla wiiwa iiwe ookhoota akhoote vawi athwaayo tti oowukila.”

Yobu 32:18

Vawi kookhalla ni mawu manchichi, murimaaka onimakiwatihera wi killote.

Mitteko 5:39

Koma eneereewanndda ddakhalla ddoovenyera wa Mulluku, khamuwora waahiiha. Muneerewoona nyookha wi munallipana ni Mulluku!” Athu a va nthato na millatwaayo yaakopiwa ni Gamaliyelooyo.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Yeremiya 15:20

Kineerewuutthattusa oollipa wonanko mpanda wamukuwa wa athwaayo. Alliwa eneerollipana ni we koma kheyuupambana vawi kiri ni we wi kiwaakihelle ni wuuvullusa.

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Mitteko 6:11

Vano yahaaphwanya athu amodda yaavaha makobiri wi yalloteke wi, “Naamwiiwa amullotellaka epewe Mose ni wa Mulluku!”