Mitteko 5:9 - Mawu a Mulluku

⁹ Vano Petro aallota wi, “Kaambiiwa tini wiiwananneewe ni mamunooyo wi muweese Munepa wa Apwiya? Asombwe emuvitthalle mamuno eri vamullakonimvo nave eneerewuutukhulla wi yuuvitthe naweenettho!”

Mitteko 5:9 ပူးပေါင်းရင်းမြစ်များ

1 Akorinto 10:9

Nihimweese Apwiya wonanko amodda a alliwaayo vawi yahiiphiwa ni enowa.

Masalimo 78:56

Koma Aisraele yaamweesa, yaamuwukila Mulluku Amasiva Mattheene, kheyaasungalle malamulwaaye.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Mitteko 15:10

Vano munamweesella tini Mulluku vawaareyani ookhulupilila vatulli viwa ddeko ddoollemella nnddo makhollwaahu naari hiyaano kheniworille odditukhulla?

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

Mateyu 4:7

Yesu ahaakhulla wi, “Navettho mawu a Mulluku eni, ‘Ohiiweese Apwiya Mullukwaawo.’ ”

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Miyambo 16:5

Arive muthu awiitukhulla annaananara Apwiya. Ddawoona, khalephela ollakiwa.

Miyambo 11:21

Ddawoona, oonanara khevulluwa o ollaka koma athu oolungama eneerovullusiwa.

Masalimo 50:18

Wamoona mullupaawiiya onnatthattuwa mukhwaaye, oneeta ni athu a echigololo.

2 Mamwene 6:32

Enthaweeyo Elisha aari mpa mwaye nave aari nimodda ni attekweene. Vano mwene aamuruma amithenga wi amukuse Elisha. Koma oorumiwooyo ahinaphiye, Elisha ahaalleella attekweenaalle wi, “Haa! Oowiipha atthoolle oomuruma muthu wi akiphadde muru. Aphiya amithengooyo, nyu muwalle nchiwi nave muniphare moollipiha wi ahivollowe. Ethiyo mukhito oniiweya vatulli vaye khohiyo wa pwinnya?”

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Eksodo 17:7

Nipuronno yaanivaha nnddina nawi Masa navettho Meriba, ekaamba yawi Aisraele yaakangana ni Mose nave yaaweesa Apwiya vawaakohani wi, “Ethiyo Apwiya eri ni hiyaano apaalle iyaayi?”

Eksodo 17:2

Vano athwaayo yahaamba okangana ni Mose nave yaallota wi, “Nivaheni maaddi oowirya.” Mose ahaakoha wi, “Kaambiiwa tini munakanganeenyu ni miyaano? Kaambiiwa tini munaweeseenyu Apwiya?”

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

Mitteko 5:6

Asombwe amodda yaawa, ehuruwella mutembwaayooyo mukuwoni, etukhulla yawuvittha o mahame.

Genesis 20:13

Vawi Mulluku akirumalleeye ovenyera owaani wa attiitthaaka wi kiye o ellapo ddeelleto, kaamulleella mwaarakoolla wi, ‘Okoonihe ororomelleya wawo voomulleellani arive muthu wi mi tti murokoriyo, orive weko nineereehu niyeekewo.’ ”