Mitteko 5:42 - Mawu a Mulluku

⁴² Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Mitteko 5:42 ပူးပေါင်းရင်းမြစ်များ

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 20:20

Munnadduwella wi ngaawiipitthihalle ello yawi yaawerowukaviherani kallalleyeemi ni ohuddiha vamiitthoni va athu ni m'mampa mwanyu.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Mitteko 8:35

Vano Filipo ahaamba ollota, aambeelle va mawu yaalla, aamullalleyella dda othenga waphaama dda Yesu.

Luka 21:37

Mallapo mattheene Yesu aanahuddiha mu enyumba ya Mulluku koma mahiiyu aanakhalla va mwaango wa Olivi.

Mitteko 17:3

Nave ahaatthopoollella mawu a Mulluku navettho aawoonihella wi Mesiya* anaphwanella ohoosiwa nave avenye wa ookhwa. Nave aallota wi, “Yesu yoolla kinamullalleyeemi wa nyuwaano sika Mesiyooyo.”

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

1 Akorinto 2:2

Vawi kaariimi ni nyuwaano, kaaganiza otiwalla erive ello opatula Yesu Khrisituve oyo atthomeyiwe vamutandani.

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 8:5

Nave Filipo* aaya o muzinda muullupalli wa Samariya aallalleyella athu dda Mesiya.*

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Luka 22:53

Nllapo ni nllapo kaanakhalla ni nyuwaano mu enyumba ya Mulluku koma khamwaakimakille. Olla sika mpataanyu vawi munalamulelliwa ni masiva a epiphi.”

2 Samuele 6:22

Kineerewiivevulla okhwaranya vaava. Nave kinaakhalle oovevuwa m'mwiitthoni mwawo koma m'mwiitthoni mwa allupa mutteko aatthiyana onawaakewaayo kinaakhalle ooriiheya.”

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Agalatiya 1:16

aamuupullulla mwanaye wa miyaano wi kaallalleyelle athu ayo ehiri Ayuda othenga waphaama wa olliye. Nave ngaayiille wa arive muthu wi akilleelle ezeru.