Mitteko 5:33 - Mawu a Mulluku

³³ Athu a va nthato namillatu yiiwalliiwa yeella, yaananariwa wunchichi wawi yaapaalla owiipha amurummwa.

Mitteko 5:33 ပူးပေါင်းရင်းမြစ်များ

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Mitteko 22:22

Athwaalle yamwiiwelliiwa Paulo, yaamwiiwella ophiyera allotilleeye yeella. Vano yahaamba okhuwa ni mawu oowella wi, “Muthu yoolla khanapaalleya wi akhalle mukumi va ellapo yavatthi! Iiphiwe!”

Mitteko 9:23

Viviralle mallapo manchichi Ayuda yaakumana vamodda nave yiiwanana wi emwiiphe Saulo.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

Luka 6:11

Ahuddihi a malamulo ni Afarisi yaasha murima yaamba okambirana yawi emweerelle Yesu.

Mateyu 1:19

Yosefe aari muthu oolungama nave khaapanlle omuwulliha muru Mariyooyo. Vano Yosefooyo aapaalla wi amulleelle Mariya erivo eelli wi echitomelweeyo emalle.