Mitteko 5:3 - Mawu a Mulluku

³ Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Mitteko 5:3 ပူးပေါင်းရင်းမြစ်များ

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Yesaya 29:15

Otulli wa athu ayo eniipitthiha maganizwiiwa vamiitthoni va Apwiya, ayo eneera mitteko ddiwa mwiipiphini ni ollota wi, “Ttaani ananoona ni odduwella nineereehu?”

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Mitteko 5:9

Vano Petro aallota wi, “Kaambiiwa tini wiiwananneewe ni mamunooyo wi muweese Munepa wa Apwiya? Asombwe emuvitthalle mamuno eri vamullakonimvo nave eneerewuutukhulla wi yuuvitthe naweenettho!”

Yohane 13:27

Nave Yudasi amwaakhenlle buledoolle, Satana aavollowa mwa olliye. Vano Yesu aamulleella wi, “Yeeyo, onapaalleewe weera, erathi mwawaakuva.”

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yakobo 4:7

Sika vano mwiivelleelle wa Mulluku. Mullipaneke ni Satana nave aneerewuuthawani.

Oollalleya 5:4

Wallupella ello wa Mulluku ohinasellihaka oyeera vawi Mulluku khanahakallalla ni ddookarangeya. Nnddo oddillupenlleewe oddeere.

Yobu 22:13

Koma munallota wi, ‘Mulluku anadduwella tini? Ethiyo ttuuweeruza oweella mu epiphi yoottikana?

Mitteko 5:4

Ohinakullihe emateeyo yaari yaawo nave oyikullihalle makobiraayo yaari aawo. Kaambiiwa tini, waganizalleewe weera ello yeella? Khowoottotthille athu koma omoottotthille Mulluku!”

Mitteko 5:2

Ananiya aavukullawo makobiraayo mwaariye adduwellaka nave oohallaayo avelleella wa amurummwa.

Luka 22:3

Satana aavollowa mwa Yudasi, ooromolliwattho Isikariyoti, oyo aari mmodda a oohuddera khumi ni eelli.

Deuteronomo 23:21

“Wallupella vamiitthoni va Apwiya Mullukwaawo ohillekelleke okwakhwaniha vawi Apwiya eneerewuuwatihera wi weere nave ozengeleza tti nichimo.

Numeri 30:2

“Mullopwana alonjeza ovelleella ello vamiitthoni va Apwiya apaalle allupella wi aneerewiihiiha, ahipwese lonjezo nayenno koma eere moollikana ni nnddo allupenlleeye.

Mateyu 13:19

Athu attheene eniiwa othenga wa omwene koma kheniiwesesa, tti wonanko mmiddo wamorenlle muttilla. Oonanarooyo, annawa awaakha othenga woomiddiwa m'murimani mwiwa.

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Miyambo 20:25

Opatulella ddeko wa Apwiya moohiganiza phaama tti musampha wa muthu vawi ttuusintha maganizo allupenlle khalle.