Mitteko 5:28 - Mawu a Mulluku

²⁸ Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Mitteko 5:28 ပူးပေါင်းရင်းမြစ်များ

Mateyu 27:25

Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Mitteko 5:40

Yaawiithana amurummwaayo wi evollowe, yahaawashulla, yaalamulella wi ehiromollettho nnddina na Yesu nave yahaattaphulla.

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.