Mitteko 4:30 - Mawu a Mulluku

³⁰ Onihani masivaanyu wi ochiriha, ezizindikiro ni ddoottikhiniha ddeeriwe mu nnddina na oorumeyellaanyu aweella, Yesu.”

Mitteko 4:30 ပူးပေါင်းရင်းမြစ်များ

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Mitteko 3:6

Koma Petro aamulleella wi, “Makobiri nginna koma kineerewuuvaha kiriimina. Mu nnddina na Yesu Khrisitu o Nazareti kinuulamulella wi, venya weete.”

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Mitteko 6:8

Sitefanooyo aaddalla ni echisomo ni masiva ddoovenyera wa Mulluku wawi aheera ddoottikhiniha dduullupalli ni ezizindikiro ddinchichi variyari va athu.

Mitteko 5:12

Amurummwa yaheera ezizindikiro ddinchichi ni ddoottikhiniha ddinchichi variyari va athu. Ookhulupilila attheene yaanatthukumana vamodda ni murimiiwa muttheene moowiiwanana mu Nikhote na Solomoni mu enyumba ya Mulluku.

Mitteko 3:16

Nnddina naye ni echikhulupililo mu nnddina naye sika emullipihalle muthu ooheeta olla munamooneenyu nave munamudduwelleenyu. Echikhulupililwaaye mwa Yesu, yoomuchiriha muthoolla attheenenyu moonaka.

Mitteko 2:43

Ddoottikhiniha ni ezizindikiro ddinchichi ddaheeriwa ni amurummwaayo nave athu attheene yahoova.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Yohane 4:48

Yesu aamulleella wi, “Khamuwa mukhulupilila mwaahoona ezizindikiro ni ddoottikhiniha.”

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.