Mitteko 4:28 - Mawu a Mulluku

²⁸ Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Mitteko 4:28 ပူးပေါင်းရင်းမြစ်များ

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Yesaya 46:10

Khalle kaavallallella ollota ddeko nnddo ddihineereye, kahuupullulla khalleve nnddo ddaari ddihinooneye. Kaallota wi, ‘Maganizwaaka khelephela, kineereweera ddoopaalla ddaka ddittheddene.’

Genesis 50:20

Nyuwaano mwahiiwanana okeerella yoonanara koma Mulluku aatthattusa okhalla yaphaama wi athu anchichi evullusiwe. Sika ekaamba yawi ollello athu anchichi aavullusiwa.

Mateyu 26:24

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Aheberi 6:17

Mulluku aapaalla wi awoonihelle ayo yatiyera waakhella lonjezonno wi aneerokwakhwaniha opaalla waye, sika ahaanjerera ollupella waye va lonjezonno.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Luka 22:22

Vawi mi, Mwaana a Muthu, kineerokhwa moollikana ni mmo Mulluku aganizereeye koma ootulli tti muthu anaakivelleellooyo!”

Mateyu 26:54

Koma keera ddiiddo, mawu a Mulluku enaakwakhwanihiwe mwawiidde vawi ella sika enaphwanella wi yeereye?”

Yesaya 40:13

“Ethiyo analamulella maganizo a Apwiya ttaani? Ethiyo ttaani anaawore omulangiza?

Yesaya 28:29

Ezeru ddenndda ddinavenyera wa Apwiya Amasiva Mattheene. Malangizwiiwa tti oottikhiniha nave ezeru ddiwa tti ddoopambana.

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Miyambo 21:30

Khaviri ezeru wiiwesesa apaalle malangizo owaapambana Apwiya.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Yobu 12:13

Koma Mulluku ookhalla ni ezeru ni masiva, ookhallattho ni odduwellesesa ni mwambo.

Yesaya 14:24

Apwiya Amasiva Mattheene yoollupella wi, “Ddawoona, ddineereweereya wonanko mmo kikeraatthihelleemi nave ddinaakhalle wonanko mmo kisimikizelleemi.

Yesaya 37:26

“Koma mi Apwiya kinallota wi, ‘Ethiyo khoniiwekevo wi ddenndda kaaddisimikiza khalleve? Kaaddisimikiza mallapo akhallekhalle nave kineeroddeera ddenndda. Mi kahaakhullella wi waakumulla mizinda ddamipanda ni odditthattusa ntepe.