Mitteko 4:27 - Mawu a Mulluku

²⁷ Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Mitteko 4:27 ပူးပေါင်းရင်းမြစ်များ

Mateyu 27:2

Yaammaka emukusa, emuvelleella wa Pilato, oolamulella a o Roma.

Mitteko 4:30

Onihani masivaanyu wi ochiriha, ezizindikiro ni ddoottikhiniha ddeeriwe mu nnddina na oorumeyellaanyu aweella, Yesu.”

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 2:27

kaambiiwa kinnakhulupilila wi khamukihiya o ellapo ya ookhwa, nave khamukihiya mi oororomelleyaanyu aweella wi kuntelle mu mahame.

Yohane 19:34

Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Yohane 1:11

Olliye aawa owaniwa koma athu a owaniwaayo kheyamwaakhenlle.

Luka 22:63

Athu yamuwehera Yesu yaanamullotella epewe, enamuukutha.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Mariko 15:31

Emoddamoddave yeeyottho allupa mukutho uullupalli ni ahuddihi a malamulo yaamullotella epewe. Yaallota muthu ni mukhwaaye wi, “Aanaavullusa amodda koma khanawora wiivullusa yeekha.

Mariko 10:33

Ahaalleella wi, “Ninnawella oya o Yerusalemu. Wenko mi, Mwaana a Muthu, kineerovelleelliwa wa allupa mukutho uullupalli ni ahuddihi a malamulo* nave eneerokamulla wi kiiphiwe nave eneerokivelleella wa athu ayo ehiri Ayuda.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Mateyu 21:28

“Vano maganizwaanyu tti awi tini? Muthu mmodda aakhalla ni anaaye aallopwana eelli. Aaya wa mwaana awaamba allota wi, ‘Mwaanawe, khawe waphare mutteko m'matani mwa ezipaso ddampesa ollello.’

Mateyu 14:1

Enthawi yeeyo Herode,* oolamulella a o Galileya, ahiiwa dda epilli ya Yesu.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

Yesaya 37:26

“Koma mi Apwiya kinallota wi, ‘Ethiyo khoniiwekevo wi ddenndda kaaddisimikiza khalleve? Kaaddisimikiza mallapo akhallekhalle nave kineeroddeera ddenndda. Mi kahaakhullella wi waakumulla mizinda ddamipanda ni odditthattusa ntepe.

Mateyu 14:3

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda ekaamba ya Herodiyasi, mwaara a mwanamunne, Filipo.*

Mateyu 14:6

Va nllapo nawuupuwella oyariwa wa Herode, olliyoolla aahakallallana mwaana aamutthiyana a Herodiyasi kaambiiwa ahinna vahoollo va athu attheene.

Luka 23:1

Athu attheene a vanthatoni namillatu waatimulla omukusalle Yesu oyaana wa Pilato,

Yohane 18:29

Sika Pilato aakhumellella wa alliwa aakoha wi, “Mumphwanyille ni mullatu wawiidde woomuvaanyiihana muthu yoolla?”