Mitteko 3:26 - Mawu a Mulluku

²⁶ Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Mitteko 3:26 ပူးပေါင်းရင်းမြစ်များ

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Mitteko 3:22

Vawi Mose aallota wi, ‘Apwiya Mullukwaanyu aneerewuurumihellani namallotella wonanko miyaano ovenyera mwa nyuwaano. Mwiiwellelle erive ello anaalloteeye wa nyuwaano.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Mitteko 3:25

Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Aroma 15:29

Kinnadduwella wi kawa owaninyunko kineeroowa ni madaliso manchichi a Khrisitu.

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 3:20

Vano Apwiya eneerewuuvahani enthawi yawiithuuwa nave eneeromurumiha Yesu, oyo tti Mesiya, oyo amutthoonlleeye khalle ekaamba ya nyuwaano.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Yeremiya 31:18

“Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

Mateyu 15:24

Vano Yesu ahaakhulla wi, “Mi kaarumihiwa wa Aisraeleve ayo eri wonanko enkhosa ddoohollowa.”

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Mitteko 2:32

Olla tti Yesu oyo Mulluku amuvenyihalleeye wa ookhwa nave attheenehi niri amboni a yeella.

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa