Mitteko 28:31 - Mawu a Mulluku

³¹ Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

Mitteko 28:31 ပူးပေါင်းရင်းမြစ်များ

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Afilipi 1:14

Nave okhalla waka mundende wooweeriha asinnaka ni arokoraka anchichi ollipa murima wunchichi mu eyaattano ni Apwiya, sika enthawi ni enthawi ennallalleya othenga waphaama moohoova.

Mitteko 20:25

“Kooweetellani attheenenyu, killalleyaka omwene wa Mulluku. Nave vano kinnadduwella wi khaavo a nyuwaano anaakoonettho.

Mitteko 8:12

Koma yakhulupililalliiwa othenga waphaama dda omwene wa Mulluku ni dda Yesu Khrisitu woollalleyiwa ni Filipo, yaabatiziwa allopwana ni atthiyaneene.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

Luka 8:1

Vatulli viwa Yesu aheetella mu matawoni ni m'mizi, allalleyaka othenga waphaama wa omwene wa Mulluku. Oohudderaaye khumi ni eelli yaamuthwara,

Mariko 1:14

Yohane amakiwe, Yesu aaya o Galileya nave aallalleya othenga waphaama wa Mulluku.

Mitteko 1:3

Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

Mitteko 28:30

Wa miyakha miilli Paulo akhalla mu enyumba yoopolleya nave aanawaakhellawo athu attheene yawa wi ekumanena.