Mitteko 28:22 - Mawu a Mulluku

²² Koma ninapaalla wi niiwe ovenyera wa nyuwaano kaambiiwa ninnadduwella wi orive otthewene athu enallota ddoonanara dda mulloko yoolla muriinyumo.”

Mitteko 28:22 ပူးပေါင်းရင်းမြစ်များ

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

Mitteko 24:14

Kinaakhullellaami vamiitthoni vanyu tti ella yawi, kinamullapella Mulluku a makhollwaahu moollikana ni ettilla eyo enaromolliiwa wi tti mulloko wawoottha. Kinnakhulupililattho erive ello yalembiwe mu malamulo a Mose ni ehuddiho ya anamallotella.

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

1 Akorinto 11:19

Yookayikella kheyiivo, onaphwanella wi vikhalle okawaneya variyari va nyuwaano wi ayo eri oororomelleya yooneye phaama.

Mitteko 26:5

Yakidduwenlle waambeella khalle, sika yaapaallaka ovelleella omboni ellote wi okumaaka otthewene kaari Mufarisi,* mmodda a mulloko oyo onathwara malamulo a Mose ohiyana ni orive mulloko oyo onamullapella Mulluku.

Mitteko 15:5

Nave ookhulupilila amodda ayo yaari a mulloko wa Afarisi* yahiimella ellota wi, “Athu ayo ehiri Ayuda enaphwanella wi ephaddiwe navettho elamuliwe wi ethwareke malamulo a Mose.”

Mitteko 5:17

Vano mullupa mukutho muullupalli ni akhwaaye, ayo yaari a mulloko wa Asaduki,* yahaakhallella ehache amurummwaayo, sika yaapaalla oweerella ello.

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

Yesaya 42:20

Wohoona ddinchichi koma khonaddipwatha, Maarwaawo tti oohulla koma khoniiwa.”