Mitteko 28:20 - Mawu a Mulluku

²⁰ Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Mitteko 28:20 ပူးပေါင်းရင်းမြစ်များ

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Afilipi 1:13

Vawi, oowehera a Eroma ni athu amodda attheene wuno ennadduwella wi miyaano kiri mundende kaambiiwa kinamurumeyella Khrisitu.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Filemoni 1:10

Sika kinimuuveka weyaano dda Onesimo. Olliye ari wonanko mwanaka vawi kiriimi mundende ohaamba okhulupilila oweella mwa ollalleya waka.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Filemoni 1:13

Kaanapaalla wi akhalleke ni miyaano wuno wi akikavihereke munipuroni mwa weyaano kiriimi mundendemmu ekaamba ya othenga waphaama.

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

Akolose 4:18

Miyaano Paulo kinalemba dda moonoolla meekhaami. Muhitiwalle wi miyaano kiri mundende. Echisomo ya Mulluku ekhalle ni nyuwaano.

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

Mitteko 10:29

Sika mwakirumihenlleenyu athu, miyaano koowa moohikhoota. Vano kinimuukohani wi mukiithanenlle tini?”

Yeremiya 40:1

Mawu a Apwiya yaawa wa Yeremiya va enthawi eyo Nebuzaradani oohoollella a alonda amuttaphunlleeye o Rama. Amuphwanyille amakiwe ni onyolo ni awuukaporoni amodda a o Yerusalemu ni a o Yuda ooyaana o Babiloni.