Mitteko 28:15 - Mawu a Mulluku

¹⁵ Ookhulupilila yaari o Roma yahiiwa dda hiyaano sika yaawa ephiya va Musika wa Apio nave o Enyumba dda Alleto Ddiraru wi ekumane ni hiyaano. Paulo awoonilleeye, aamuthokoza Mulluku nave aallipa murima.

Mitteko 28:15 ပူးပေါင်းရင်းမြစ်များ

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aroma 15:24

kinatiyera owoonani kaayaaka o Spaniya. Kinapaalla wi nyuwaano mukikavihere voolendonaaka o Spaniyanko kamalliha waarera moohakallalla ni nyuwaano enthawi yooyeva.

Agalatiya 4:14

Nave naari ovoriiwa waka wahuuhoosani wunchichi nyuwaano, khamwaakinyaambusalle apaalle okikhoota. Koma mwaakaakhella wonanko mungelo oovenyera oddullu naari wonanko Khrisitu Yesu.

Mitteko 21:5

Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.

Mitteko 10:25

Petro ahanlleeye vang'ono ovollowa, aakumana ni Korineliyo oyo akokhonre vakhuviru ni olliye nave amuvaha olemu.

Yohane 12:13

Sika yaakusa enthambi dda miteekho ddakanjeza eya woomuchingamella yooyo, ekhuwaka wi, “Ntitimiho nikhalle wa Mulluku! Oodalisiwa oyo anawa mu nnddina na Apwiya! Oodalisiwa Mwene a o Israele!”

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Eksodo 4:14

Vano Apwiya yaamushella murima Mose, emulleella wi, “Mwanamunno Aroni, Mulevoolle. Kinnadduwella wi olliyoolle ttuuwora ollota phaama ddene. Animawa wi akumane ni weyaano nave aneerohakallalla wunchichi aawoona.

1 Atesalonika 3:7

Ekaamba ya yeella, asinnihu ni arokorihu, echikhulupililwaanyu yoonillipiha murima mu mavihwaahu mattheene ni ddoohoosa ddahu ddittheddene.

2 Akorinto 2:14

Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 10:23

Petro aawiithana athwaalle wi evollowe mpa nave ahaalleella wi ekone wenko nllapo nenno. Osaka wene aavenya aya vamodda ni athwaalle navettho ookhulupilila amodda oovenyera o Yopanko yaathananana.

Mitteko 11:1

Amurummwa ni ookhulupilila a mu Yudeya mutthemwene yahiiwa wi naarittho athu ayo ehiri Ayuda ahaakhullella mawu a Mulluku.

Mitteko 11:12

Munepa Waweella aakilleella wi kaathware kihikhoote. Ookhulupilila Akhwiihu atthanu ni mmodda oovenyera o Yopa yaathanana ni miyaano o Kaisareyanko nave attheenehi naavollowa mpa mwa Korineliyo.

Mitteko 12:17

Ahiimesa nnatta naye wi emaalle nave ahaatthopoollella mmo Apwiya yamukhumihelliiwa mundende. Nave aallota wi, “Mumulleelle Yakobo ni ookhulupilila amodda ddenndda.” Nave aavenyavo aya waamodda wene.

Mitteko 28:14

Nahaaphwanyawo ookhulupilila amodda wenko ayo yanikohille wi nikhallena wa mulungu mmodda nave omamallihello naaphiya o Roma.