Mitteko 27:35 - Mawu a Mulluku

³⁵ Allotilleeye ddenndda, Paulo aamukusa buledi, avekella wa Mulluku moothokoza attheene yoonaka, amumeyameya nave aamba omucha.

Mitteko 27:35 ပူးပေါင်းရင်းမြစ်များ

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

1 Petro 4:16

Koma mwaahoosiwaka ekaamba yawi nyuwaano tti akhrisitu, muhiwulliweke muru nave mumuthokozeke Mulluku kaambiiwa mookhalla ni nnddina na Khrisitu.

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

Yohane 6:11

Yesu aakusa mitthi dda buledi, avekella omuthokoza Mulluku nave amuvelleella wa athu ayo yaakeraatthiille vaavo. Aheerattho emoddamoddave yeeyo ni ehombanndde. Nave attheene yahaakhella moollikana ni mmo yapaallelliiwa.

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

Mariko 8:6

Yesu ahaalamula athwaayo wi ekeraatthi vatthi. Vano aakusa mitthi dda buledi mitthanu ni miillinnddo avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo nave yaheera ddiiddo.

Mateyu 14:19

Ahaalamula athwaalle wi ekeraatthi vamanasini. Vano aakusa mitthi dda buledi mitthanu ni ehomba piillinndde, aweha oddullu, avekella omuthokoza Mulluku nave amumeyameya buledooyo. Vano aawinnya oohudderaaye wi emuvelleelle wa athu.

Masalimo 119:46

Kineerollota omboni vamiitthoni va mamwene, ngiwulliwa muru.

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”