Mitteko 26:29 - Mawu a Mulluku

²⁹ Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

Mitteko 26:29 ပူးပေါင်းရင်းမြစ်များ

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Aroma 10:1

Asinnaka ni arokoraka, kinnapaalla ni murimaaka muttheene nave kinnavekella wi athwaaka evullusiwe.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

2 Akorinto 11:1

Waaweerokhalla waphaama mwakaakhullenlleke naari kiri ookarangeya vang'ono. Kinimuuvekani wi mweere ddiiddo!

1 Akorinto 7:7

Kapanlle wi arive muthu akhanlleke wonanko miyaano. Koma arive muthu oovahiwa yaayeyaaye yoovenyera wa Mulluku, muthu mmodda yawi yoori mmodda yawi yoori.

1 Akorinto 4:8

Ethiyo mookhallana khalle erive ello munapaalleenyu? Ethiyo vano muri eeyuuma? Ethiyo mookhalla mamwene vano naari hiyaano nihinakhallevo? Ddaawerokhalla phaama mwaakhanlleke mamwene wi hiyaanottho nikhalle mamwene ni nyuwaano.

Mitteko 25:14

Nave yakhanlliiwa wenko wa mallapo oowaatellavo, Fesito aamutthopoollella mwenooyo dda Paulo wi, “Wookhalla muthu oyo amakiwe enthawi ya Felike ahiyiwa mundende,

Mitteko 12:6

Mahiiyu yaayo Herode ahanlleeye vang'ono wi amukhumihe eeruziwe, Petro akonille variyari va akhoto eelli, amakiwe ni onyolo miilli. Nave vaakhallattho oowehera ayo yawehera va mullako wa endendeeyo.

Yohane 5:34

Miyaano nginapaalla omboni wa muthu nave kinallota ddenndda wi nyuwaano mwavullusiwe.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

2 Mamwene 5:3

Vano namwallooyo aamulleella mwaara Namaani wi, “Apwiyaaka yaariki wa namallotella a o Samariya eerewaachiriha makatiiwa.”

2 Samuele 18:33

Enthawi yeeyo mwenooyo aamoriwa ethakaraka wunchichi awella aninlla mu echipinda yavaddullu va mullako wa muzindooyo. Vano akhwaranyeeye, inlla wi, “We mwanaka Abishalomu, mwanaka, mwanaka Abishalomu, kakhwilleke miyaano munipuroni na weyaano! Mwanaka Abishalomu, mwanaka!”

Numeri 11:29

Koma Mose aamulleella wi, “Ethiyo onakikhupanyella miyaano. Keerohakallalla athu attheene a Apwiya yaariki anamallotella nave Apwiya yaakawelleke munepiiwa.”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.