Mitteko 26:28 - Mawu a Mulluku

²⁸ Agripa aallota wa Paulo wi, “Oneesa oneerokeera wi kikhalle mukhrisitu va enthawi yooyeva yeella?”

Mitteko 26:28 ပူးပေါင်းရင်းမြစ်များ

Mitteko 11:26

Amuphwanyilleeye, aamukusella o Antiyokeya nave wa muyakha muttheene yaakumana ni mpingo ni ohuddiha mulloko wa athu muullupalli. Waari o Antiyokeya nko ookhulupilila yaambilliiwa oromolliwa wi akhrisitu.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

1 Petro 4:16

Koma mwaahoosiwaka ekaamba yawi nyuwaano tti akhrisitu, muhiwulliweke muru nave mumuthokozeke Mulluku kaambiiwa mookhalla ni nnddina na Khrisitu.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Mariko 6:20

Vawi Herode nayeene aanamoova Yohane nave aamusunga wi ahiiphiwe kaambiiwa aanadduwella wi Yohane tti muthu oolungama ni aweella murima. Herode aamwiiwellellaka Yohane allotaka, aanahalleelliwa wuullupalli komattho enthawi yeeyo aanahakallalla.

Mitteko 26:27

Mwene Agripa, munnaakhulupilila anamallotella? Kinnadduwella wi munnaakhulupilila!”