Mitteko 26:16 - Mawu a Mulluku

¹⁶ Nave venya wiimelle, kowooneyella wi kuutthoolle okhalle ookirumeyellaaka. Onaphwanella wi wakhalle mboni wa athu nnddo woonilleewe wa miyaano ollello navettho nnddo onaawooneewe wa miyaano muhoollommu.

Mitteko 26:16 ပူးပေါင်းရင်းမြစ်များ

Daniele 10:11

Olliye aakilleella wi, “We Daniele, ookondiwesesa, imella wiiwe mawu ayo kinuulleelleemi vawi koorumiwa wa weyaano.” Allotilleeye ddenndda wa miyaano, kahiimella kitthukumellaka.

Ezekiele 2:1

Vano yaallota wa miyaano wi, “We mwaana a muthu, imella nave kineerollota ni weyaano.”

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

Agalatiya 1:12

Ngaawakhenlle ovenyera wa arive muthu nave khaavo naari aakihuddihalle. Koma Yesu Khrisitu yeekhaaye sika uupullullalle wa miyaano.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Akolose 1:25

Nave koheeriwa oorumeyella a mpingo ni Mulluku oyo aakivahille mutteko yoolla wi kiphare variyari vanyu. Yoolla tti mutteko woollalleya othengaaye muttheene,

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Agalatiya 2:2

Kayiillewo kaambiiwa Mulluku ahuupullulla wa miyaano wi kaaphwanella oyaawo. Mu mutthukumano wa ooholleellave kaatthopoollella othenga waphaama kallalleyilleemi wa athu ayo ehiri Ayuda. Vawi Ngaapanlle wi nnddo kineereemi ni nnddo kenreemi ddooneye wonanko tti ddoohikhalla ni mutteko.

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

Akolose 1:7

Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Mitteko 22:10

Kaakoha wi, ‘Keere tini, Apwiya?’ Nave Apwiya yaakilleella wi, ‘Venya nave oye wavollowe mu Damasiko nave wenko oneerolleelliwa ddittheddene Mulluku anapaalleeye wi weere.’

Mitteko 21:19

Paulo ahaavaha mooni nave aatthopoollella phaama ddittheddene nnddo Mulluku eerilleeye variyari va athu ayo ehiri Ayuda oweella mwa mitteko ddaye.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 6:4

Hiyaano nineerollipihella ovekella ni ollalleya mawu a Mulluku.”

Mitteko 1:25

wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.”

Mitteko 1:17

Yudasi aari mmodda a mullokwaahu vawi aatthoolliwattho wi niphareke nimodda muttekwaahu.”

Luka 1:2

Yatotenlle ddeko ddennddo nalleelliweehu ni amboni ayo yoonille ddeereyaka vawaambeella ni oollalleya awaamba a othenga waphaama.

Mitteko 26:15

Kaakoha wi, ‘Nyuwaano ttaani, Apwiya?’ Nave Apwiyaayo yahaakhulla wi, ‘Mi tti Yesu, oyo onamuhooseewe.

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,