Mitteko 25:23 - Mawu a Mulluku

²³ Osaka wene, Agripa ni Berenise yaavollowa mu echipinda yootthukumanellamo nave athu yahaavaha olemu wunchichi. Yavollowille nimodda ni oolamulella a akhoto ni oohoollella oovuwa am'muzindanimmo. Nave Fesito aamwiithaniha Paulo wi awe.

Mitteko 25:23 ပူးပေါင်းရင်းမြစ်များ

Mitteko 26:30

Vano Agripa, Fesito, Berenise owaaka amodda attheenaayo yahiimella,

Mitteko 25:13

Viviralle mallapo ooyeva mwene Agripa vamodda ni Berenise, murokoriye yaaphiya o Kaisareya wi emwaakhelle Fesito.

1 Yohane 2:16

Erive ello enakhalla mu ellapo yavatthi wonanko minkhella ddoonanara, ddoopaalla dda athu ni nnddo enooniiwa ni erive ello ya mu ellapweella eyo athu enakotelliiwa, ddittheddenenndda khaddinavenyera wa Attiitthiihu koma ddinavenyera mu ellapo yavatthi.

1 Petro 1:24

Mawu a Mulluku eni, “Athu attheene tti wonanko manasi, oreera wiwa tti wonanko malluwa oohakani. Manasi ennanyaalla, malluwa ennavakareya,

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

1 Akorinto 7:31

ayo enaphariha mutteko ddeko dda vatthimva ekhalleke wonanko khennana mutteko ddekonnddo. Vawi ellapo yavattheella, mmo enooneyelliiwammu, khellekella omalla.

Mitteko 12:21

Yaatthoolla nllaponno Herode awanreeye mukanjwaaye wa omwene, akeraatthi va mpandwaaye wooweeruzella nave aallota wa athu.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Ezekiele 33:28

Ellapweeyo kineeroyitthattusa ntthalla ni echipululu. Masiva awiitukhullella eneeromalla. Miyaango dda o Israele ddineerotthattuwa nihaka, muthu khawa aviramo.

Ezekiele 32:12

Kineerokuha mulloko muttheene wakhoto ni masupada a akhoto awoopiha wunchichi okhwaranya mitundu ddimodda ddittheddene. Eneeromalliha wiitukhulla wa Iguputo nave mulloko muttheene wakhoto oneerewoonongeya.

Ezekiele 30:18

O Tehafinehesi oneerokhalla epiphi kaamallihaka masiva a Iguputo. Vano wiitukhulla waye oneeromalla, mirapo ddineeromuhuruwella nave ookhalla m'mizi ddaye eneerophariwa okaporo.

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.

Yesaya 14:11

Oriiheya wawo ni machipo a azezaawo, ddittheddene ddoomalla nave woovollowana o ellapo ya ookhwa. Vano bedaawo tti mapwihi nave yawiikhuneellaawo tti miingu.

Yesaya 5:14

Ekaamba ya yeella o ellapo ya ookhwa khonavona, onnaatthama wi omwaakhelle arive muthu. Athu oovuwa a mu Yerusalemu ni athu shisha anchichi eneeromorellamo ni olezela wiwanko.

Oollalleya 1:2

Ddittheddene khaddinna mutteko, anallota tti Oollalleya, ddittheddene khaddinna mutteko! Ddawoona, ddittheddene khaddinna mutteko!

Estere 1:4

Va miyeri mitthanu ni mmodda mwenooyo aanooniha waata ni olemu wa eyuumaaye navettho oreera ni wunnuwa wa omwenaaye.

Mariko 6:21

Koma va nllapo nawuupuwella oyariwa wa Herode, Herodiyasi aaphwanya mpata. Va nllapo nenno Herodooyo aawiithana attekweene a niboma naye, attekweene akhoto ni athu oovuwa o Galileya wi ekhallena vamachellelloni vaye.