Mitteko 25:11 - Mawu a Mulluku

¹¹ Kaarimi kiri muthu aweera ddoonanara nave kinnaphwanella wiiphiwa, nginakhoota wiiphiwanko. Koma enakivaanyihereewanndda ddaari ddawoottha, khaavo muthu anaphwanella okivelleella wa Ayuda. Kinapaalla wi keeruziwe ni Kaisara.”

Mitteko 25:11 ပူးပေါင်းရင်းမြစ်များ

Mitteko 28:19

Nave Ayuda yakhootilliiwa, kahoona wi tti woophwanella wi mullatwaakoolla wiipiwe wa Kaisara* naari kahirina yowaavaanyiha athu a mutundwaaka.

Mitteko 26:32

Nave Agripa aamulleella Fesito wi, “Muthoolla ahivekilleke wi eeruziwe ni Kaisara* naaweeromuttaphulla.”

Mitteko 25:25

Koma nginaphwanya wi oheera ello yoophwanella wiipiwana mullatu woowiiphiwana. Vawi yeekha aaveka wi mullatwaaye wiipiwe ni Kaisara. Sika kaaganiza wi kimurumihe.

Mitteko 25:21

Paulooyo aaveka wi Kaisara eeruze mullatooyo nave wi aweheriwe ophiyera enthawi yeeyo. Sika kaalamulella wi aweheriwe ophiyera kimurumihalle wa Kaisara.”

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

Mitteko 25:10

Paulo aallota wi, “Kiimenlle va nthato namillatu na Kaisara, sika tti vaava kinaphwanelleemi wi keeruziwe. Nyuwaano nyookha munnadduwella phaama wi ngeenre ello yoonanara wa Ayuda.

Mitteko 22:25

Nave yamumakilliiwa wi awashulliwe, Paulo aamukoha akhoto muullupalli oyo iimenlle vaavo wi, “Tti ddawaakhullelliwa ni malamulo wi mumuwashulle muthu ooyariwa o Roma muhinamwiipe mullatu?”

Mitteko 18:14

Paulo apaalleeye wi aambe ollota Galio ahaakuva ollota wa Ayudaayo wi, “Wakhanlleke mwaha woovaanyiha malamulo apaalle omweerella mukhwaaye ddoonanara kaaweerowiiwellani Ayuda nyu.

Mitteko 16:37

Koma Paulo aallota wa akhoto wi, “Yaanuukutha hiyaano athu yoonaka ehiniphwanyille ni mullatu naari niri Aroma!* Nave enihiyattho mundende. Vano enapaalla enikhumihe mwawiitta. Ddennddo khaddeereya! Attekweene a millatwaayo sika enaphwanella wi ewe wuno enikhumihe weekhiiwa.”

Yobu 31:21

Kaarimi kitukhunlle nnatta omoopopiha mukhwaadduni, voororomellani wi mullatu oneerokeetella phaama,

1 Samuele 27:1

Vano Davide aaganiza m'murimani mwaye wi, “Nllapo nimodda Saulo aneerokiipha. Ettilla yaphaama wi kivulluwe tti yawi kithawelle wa Afilisti. Vano Saulo aneerohiya okaashaasha mu ellapo ya Israele nave kineerovulluwa m'mattani mwaye.”

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya

Yeremiya 37:18

Nave aamukoha mwene Zedekiya wi, “Ethiyo kuulakwenlleni tini nyuwaano, enduna ddanyu apaalle athwaanyu wi mukihiye mu endende?

Mitteko 25:12

Vano Fesito akambirane ni enduna ddaye ahaakhulla wi, “Vawi onapaalla wi weeruziwe ni Kaisara, sika oneeroya wa yooyo.”