Mitteko 24:26 - Mawu a Mulluku

²⁶ Enthawi yeeyo atiyera wi Paulo amuvahe makobiri, sika aanamwiithana wiilliwiilli anaarerana.

Mitteko 24:26 ပူးပေါင်းရင်းမြစ်များ

Miyambo 17:23

Muthu oonanara annaakhella ddamukaphwani wi akhoromanihe echilungamo.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Hoseya 4:18

Yalezela wunchichi ennararuwa. Ennaddivelliwa ddoowulliha muru okhwaranya oriiheya wiwa.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Miyambo 29:4

Mwene aweeruza moolungama annallipiha ellapwaaye koma ootthukumaniha emphaso annayoononga.

Miyambo 19:6

Anchichi ennaallapa athu oovuwa nave arive muthu tti mukhwaaye a muthu oovaha.

Miyambo 17:8

Ddamukaphwani ddiri wonanko murete wa ekari wa muthu oyo anaddeera vawi aweerooyo erive ello ennamweetella phaama.

Yobu 15:34

Milloko dda oohikhulupilila kheddiphura ello munllo oneeroshellelliha enyumba dda awaakhella ddamukaphwani.

2 Epilli 19:7

Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Eksodo 23:8

Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

Mateyu 17:3

Enthawi yeeyo oohudderaalle yaawoona athu yakhwille khalle, Mose ni namallotella Eliya, ellotaka ni Yesu.