Mitteko 23:18 - Mawu a Mulluku

¹⁸ Muullupalloolle aamukusa, amuhoollella wa oolamulelloolle nave allota wi, “Mullupa oomakiwa, Paulo aakiithana nave akiveka wi kiweena musomboolla wa nyuwaano kaambiiwa ookhalla ni yawi uulleelleni.”

Mitteko 23:18 ပူးပေါင်းရင်းမြစ်များ

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

Mitteko 27:1

Yiiwananiiwa wi enaphwanella ellapuwe vakallawani eye o Italiya, yaamuvelleella Paulo ni oomakiwa amodda wa Julio, akhoto muullupalli a mulloko wooromolliwa wi, “Mulloko wa Kaisara.”*

Mitteko 16:25

Nave variyari va mahiiyu Paulo ni Sila yaamavekella ni omwiipella machipo Mulluku nave athu amodda yahiyiwe mundendemmo yaaniiwellella.

Luka 7:40

Koma Yesu aallota wa olliyooyo wi, “Simoni kookhalla ni ello yawi kuulleelle.” Simoni ahaakhulla wi, “Ahuddihi, killeelleni.”

Yohane 18:12

Vano mulloko wa akhoto a o Roma ni oolamulelliiwa ni oowehera a Ayuda yaamphara Yesu emmaka.

Mitteko 23:17

Vano Paulo aamwiithana mmodda a akhoto uullupalli amulleella wi, “Ngamukuseni musomboolla muyeena wa oolamulelloolle vawi ookhalla ni yawi allote.”

Mitteko 23:19

Oolamulelloolle aamuphara va nnatta vaye musombooyo, ayaana okhwipi wa weekhiiwa nave amukoha wi, “Ori ni tini yawi okilleelle miyaano?”