Mitteko 22:25 - Mawu a Mulluku

²⁵ Nave yamumakilliiwa wi awashulliwe, Paulo aamukoha akhoto muullupalli oyo iimenlle vaavo wi, “Tti ddawaakhullelliwa ni malamulo wi mumuwashulle muthu ooyariwa o Roma muhinamwiipe mullatu?”

Mitteko 22:25 ပူးပေါင်းရင်းမြစ်များ

Mitteko 16:37

Koma Paulo aallota wa akhoto wi, “Yaanuukutha hiyaano athu yoonaka ehiniphwanyille ni mullatu naari niri Aroma!* Nave enihiyattho mundende. Vano enapaalla enikhumihe mwawiitta. Ddennddo khaddeereya! Attekweene a millatwaayo sika enaphwanella wi ewe wuno enikhumihe weekhiiwa.”

Mitteko 25:16

Koma kahaalleella wi hiyaano Aroma* khanineera ddiiddo, omuvelleella muthu awiipiwa mullatu wa ayo enamuvaanyihaayo ahinakumanena oomusumellaayo wi nayeene allote ddeko ddawiiteteza yeekhaaye.

Mitteko 27:43

Koma akhoto muullupalloolle apaalla amuvulluse Paulo, sika ahaahiiha wi eheere ddiiddo. Vano ahalamulella ayo yadduwella osambila wi elluphelle m'maaddinimmo wi yaphiye omutundaninko mwawaamba.

Mitteko 23:17

Vano Paulo aamwiithana mmodda a akhoto uullupalli amulleella wi, “Ngamukuseni musomboolla muyeena wa oolamulelloolle vawi ookhalla ni yawi allote.”

Mitteko 27:3

Osaka wene naaphiya o Sidoni nave Julio aamoonihella oreera murima Paulo voomwaakhullellani wi awoone akhwaaye wi yamuvahe ddoopaalla ddaye.

Mitteko 27:1

Yiiwananiiwa wi enaphwanella ellapuwe vakallawani eye o Italiya, yaamuvelleella Paulo ni oomakiwa amodda wa Julio, akhoto muullupalli a mulloko wooromolliwa wi, “Mulloko wa Kaisara.”*

Mitteko 10:1

Waakhalla muthu mmodda a o Kaisareya nnddina naye Korineliyo, oyo aari akhoto muullupalli a o Roma a mulloko wa akhoto 100, wooromolliwa wi, “Mulloko wa Italiya.”

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Mateyu 8:8

Koma akhoto muullupallooyo aallota wi, “Iyaayi, Apwiya. Miyaano nginaphwanella wi muvollowe mpa mwaka. Koma mweere moona ollota mawuve nave kaporwaaka aneerochira.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Mitteko 22:26

Nave akhoto muullupallooyo iiwalleeye ddenndda, aaya wa oolamulelloolle amukoha wi, “Muneereti yeella? Muthu yoollathi tti Muroma!”*

Mitteko 23:27

Muthooyo aaphariwa ni Ayuda nave yapaalla omwiipha. Kiiwalleemi wi olliye tti Muroma,* sika kaayaawo ni akhotwaaka kamwaakiha.