Mitteko 22:14 - Mawu a Mulluku

¹⁴ Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

Mitteko 22:14 ပူးပေါင်းရင်းမြစ်များ

Agalatiya 1:12

Ngaawakhenlle ovenyera wa arive muthu nave khaavo naari aakihuddihalle. Koma Yesu Khrisitu yeekhaaye sika uupullullalle wa miyaano.

1 Akorinto 15:8

Voomallihella ahooneyattho wa miyaano naari kaphwanaphwanaka ni muthu ooyariwa mallapo ehinakwakhwane.

1 Akorinto 9:1

Miyaano ngihiyo oottaphulliwa? Miyaano ngihiyo murummwa? Ngimonne Yesu Apwiihu? Nyuwaano khamuri ezipaso dda muttekwaaka mu eyaattano ni Apwiya?

Mitteko 26:16

Nave venya wiimelle, kowooneyella wi kuutthoolle okhalle ookirumeyellaaka. Onaphwanella wi wakhalle mboni wa athu nnddo woonilleewe wa miyaano ollello navettho nnddo onaawooneewe wa miyaano muhoollommu.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

1 Yohane 2:1

Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

Mitteko 24:14

Kinaakhullellaami vamiitthoni vanyu tti ella yawi, kinamullapella Mulluku a makhollwaahu moollikana ni ettilla eyo enaromolliiwa wi tti mulloko wawoottha. Kinnakhulupililattho erive ello yalembiwe mu malamulo a Mose ni ehuddiho ya anamallotella.

Mitteko 22:18

Mwemmo kaawoona Apwiya, ayo yallotille ni miyaano wi, ‘Akuva nave ovenyewo o Yerusalemu wuno, ohillekelle kaambiiwa athu a wuno kheyaakhullelle omboonaawo dda miyaano.’

Mitteko 13:17

Mulluku a Aisraele ahaatthoolla makhollwaahu nave aweera ekhalle mulloko muullupalli wa athu va enthawi yaariiwa alleto mu ellapo ya Iguputo. Ahaakhumiha mu Iguputommo ni masivaaye.

Mitteko 5:30

Mulluku a makhollwaahu aamuvenyiha Yesu wa ookhwa, nyuwaano mumwiiphalle nave mumutthomeyille vamutandani.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Daniele 2:23

Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”

Yeremiya 1:5

“Kihinuuphatuse m'mirimani mwa amaayo kahuudduwella khalleve. Nave ohinayariwe, kahuupatula khalleve, kahuutthoolla wi okhalle namallotella wa athu a mitundu ddittheddene.”

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Tito 1:1

Ovenyera wa miyaano Paulo, oorumeyella a Mulluku ni murummwa a Yesu Khrisitu. Kaatthoolliwa ni orumihiwa wi kikavihere echikhulupililo ya athu a Mulluku ootthoolliwa ni wi kaahoollelle odduwella yawoona moollikana ni omutitimiha Mulluku,

2 Timoteo 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku, oyo akirumalle wi killalleye lonjezo na okumi nno niriihuna mu eyaattano ni Khrisitu Yesu.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

2 Epilli 30:19

oyo ni murimaaye muttheene, anamwaasha Mulluku, Apwiya Mulluku a makhollwaaye naari ahithwanre malamulo a weellihiwa woophwanella enyumba ya Apwiya.”

2 Epilli 28:25

Aamakattho mapuro oollapellamo milluku ddimodda mu orive muzinda wa Yuda waattatthamulla ni waashiha murima Apwiya Mulluku a makhollwaaye.

1 Epilli 12:17

Davide aakhuma akumanana nave ahaalleella wi, “Mwaarimi muwaaka wa miyaano wonanko akhwaaka wi mukikavihere, murimaaka oneerewiiwanana ni nyuwaano. Koma mwaarimi muweellaka okivelleella wa adanaaka naari kihuuchimwenlleni, Mulluku a makhollwaahu awooneni nave uullakeni.”

2 Mamwene 21:22

Ahaakhoota Apwiya Mulluku a makhollwaaye nave khiiwellelle malamulwiiwa.

1 Petro 2:22

Olliye kheerille nirive nichimo nave muwano mwaye khamwaavenyenre erive yawoottha.

Mitteko 22:15

Vawi oneerokhalla mbonaaye wi waalleelle athu attheene nnddo woonilleewe ni wiiwa.