Mitteko 22:12 - Mawu a Mulluku

¹² “M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 22:12 ပူးပေါင်းရင်းမြစ်များ

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

3 Yohane 1:12

Arive muthu annavelleella omboni waphaama wa Demetrio naari yawooneeyo tti mboni. Naheenettho ninnavelleella ombonaahu nave munnadduwella wi ninalloteehu tti ddawoona.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

1 Timoteo 3:7

Akhallekettho muthu oovahiwa olemu ni athu a otte wa mpingo wi ahinyaambusiwe woova wi anaamorelle m'musamphani wa Satana.

2 Akorinto 6:8

Ninnavahiwa olemu ni onyaambusiwa ninnallotelliwa epewe ni othokoziwa. Ninnooniwa wonanko awoottha naari nillotaka ddawoona.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.