Mitteko 21:9 - Mawu a Mulluku

⁹ Olliyoolla aakhalla ni anaaye aatthiyana asese oohitthelliwa ayo yaari anamallotella.

Mitteko 21:9 ပူးပေါင်းရင်းမြစ်များ

Mitteko 2:17

Mulluku aallota wi, ‘Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Luka 2:36

Namallotella aamutthiyana Anna aakhallattho mu enyumba ya Mulluku, aari, mwaana a Fanuwele, a mulloko wa Asheri. Nave aari awuulluvalla, aatthelliwa ari namwalli, wa miyakha mitthanu ni miillive koma mamune aakhwa.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Nehemiya 6:14

Mullukwaaka, wuupuwelleni Tobiya ni Sanibalati moollikana ni yeerilliiwanndda navettho namallotella aamutthiyana, Nowadiya, owaaka anamallotella amodda yapaalla okoopopiha.

2 Mamwene 22:14

Sika mullupa mukutho Hilikiya, Ahikamu, Akibori, Shafani ni Asaiya yaaya wa namallotella aamutthiyana nnddina naye Hulida, mwaara Shalumu. Shalumu aari oosunga ddoowara ddoomwene nave aari mwaana a Tikiwa, mwaana a Harihashi. Hulida akhalla o Yerusalemu mu echigawo yanaanweene ya muzindooyo. Sika athwaalle ellotillena,

Oweeruza 4:4

Enthawi yeeyo Debora, namallotella aamutthiyana, mwaara a Lapidoti, ahaahoollella Aisraele.

1 Akorinto 7:38

Sika mullopwana anamutthella anneera ello yaphaama nave oyo ahinamutthella anneerattho ello yaphaama wunchichi.

Ezekiele 13:17

“Vano we mwaana a muthu, llota wa atthiyana ayo eri variyari va athwaawo ayo ennallotella dda m'muruni mwiwa, sika waallotelle mowaahumullulla.”