Mitteko 21:20 - Mawu a Mulluku

²⁰ Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mitteko 21:20 ပူးပေါင်းရင်းမြစ်များ

Aroma 10:2

Kinimuusimikizellani wi alliwaayo ennamullapella Mulluku mwawiivelleella koma kheniiwesesa.

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

Mitteko 22:3

“Mi tti Muyuda, ooyariwa o Tariso o Silisiya nave kallelliwe o Yerusalemu weewuno. Gamaliyeli sika aari muhuddihaaka nave olliye aakihuddiha moollikana ni malamulo ookatamiha a makhollwaahu nave kaari owiivelleella moollikana ni malamulo a Mulluku wonanko attheene nyu muri vaava ollello.

Mitteko 15:1

Athu amodda oovenyera o Yudeya yaaya o Antiyokeya* yaamba waahuddiha athu ookhulupilila wi, “Mwaahiphaddiwa moollikana ni malamulo a Mose khamuwora ovullusiwa.”

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mitteko 15:5

Nave ookhulupilila amodda ayo yaari a mulloko wa Afarisi* yahiimella ellota wi, “Athu ayo ehiri Ayuda enaphwanella wi ephaddiwe navettho elamuliwe wi ethwareke malamulo a Mose.”

2 Atesalonika 1:10

va nllapo anaweeye wi aakhelle ntitimiho ovenyera wa athwaaye aweella ni oriiheya ovenyera wa attheene enakhulupilila. Nyuwaano muneerokhallattho ni yaayo kaambiiwa mookhulupilila othenga olle nuulleelleeyeni.

Mitteko 15:24

Nohiiwa wi athu amodda oovenyera mu mullokwaahu ahuuhoosani ni owaapheellihani muru ni mawu yallotilliiwa. Yaayo kheyaarumiwe ni hiyaano.

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 4:21

Vano a va nthato na millatwaayo yaawoopopiha ohiyana ni vawaamba valle nave yahaattaphulla wi eroweke. Vawi kheyaadduwella wi enaallake mwawiidde kaambiiwa athu attheene yaanamutitimiha Mulluku va ddeko ddeereyillennddo.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Luka 12:1

Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Masalimo 22:23

Kineerollota wi, “Nyu oowoova Apwiya, atitimiheni nyu attheene edduullu dda Yakobo, ariiheni, nyu attheene Aisraele, avaheni olemu.

Agalatiya 1:24

Nave yaamutitimiha Mulluku ekaamba ya miyaano.

Mateyu 9:8

Athu yoonilliiwa yeella, yahoova wunchichi emutitimiha Mulluku, ekaamba yowaavaha athu olamulello yoolla.