Mitteko 21:13 - Mawu a Mulluku

¹³ Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Mitteko 21:13 ပူးပေါင်းရင်းမြစ်များ

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

2 Timoteo 4:6

Vawi enthawi ya okhwa waka yohaatamella nave nikhame naka niheraatthiwe wonanko mukutho.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

2 Petro 1:14

Kinnadduwella wi kineerokhwa wonanko mmo Apwiihu Yesu Khrisitu yakilleellelliiwa moohikhuwa

Mitteko 20:37

Athu attheene yahinlla yamukhupaarelliiwa nngu ellaanyanaka.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

2 Timoteo 1:4

Kaawuupuwellaka miitthori ddawo, kinnapaallesesa owoona weyaano wi kihakallalle wunchichi.

1 Akorinto 15:31

Asinnaka ni arokoraka, okhwa kinneetana nllapo ni nllapo! Wuukotellani waka, ekaamba ya Khrisitu Yesu Apwiihu, onnakeeriha ollota yeella.

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Afilipi 2:26

Ohuukhallellani munkhella wi awooneni nyuwaano attheene nave animakhupanya kaambiiwa mwahiiwa wi aamavoriiwa.

Yona 1:6

Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Ezekiele 18:2

“Kaambiiwa tini nyu athu a o Israele munaddivelliweenyu wuulluulla mwambi wawi ‘Makhollo aacha mpesa ddoohiithwa koma anamwani sika eruruvanlle miino?’

Yesaya 3:15

Ethiyo munaapaneella tini athwaaka? Ethiyo kaambiiwa tti tini munaachelleenyu matthu va muru athwaaka? Mi Apwiya Mulluku Amasiva Mattheene koollota.”

1 Samuele 15:14

Koma Samuele aallota wi, “Vano eziweto kiniiweemi ddinllakannddo tti dda tini?”

1 Samuele 1:8

Vano Elikana aamukoha Hana wi, “Oninllella tini? Ohinachella tini? Yuunananre tti tini? Ethiyo wa weyaano miyaano nginuukwakhwanella okhwaranya anamwani aallopwana khumi?”

Yeremiya 40:1

Mawu a Apwiya yaawa wa Yeremiya va enthawi eyo Nebuzaradani oohoollella a alonda amuttaphunlleeye o Rama. Amuphwanyille amakiwe ni onyolo ni awuukaporoni amodda a o Yerusalemu ni a o Yuda ooyaana o Babiloni.

1 Epilli 11:18

Vano athu araru amasivaalle yaakhwaranya misasa dda Afilisti nave yaarika maaddi veehimeni ya Betelehemu eyo yaari vakhuviru ni va mullako valle. Nave yaakusa maaddaayo ewaana wa Davide. Koma Davide khaawiryalle maaddaayo, aawiithella muthaani wonanko yoovelleella wa Apwiya.