Mitteko 20:35 - Mawu a Mulluku

³⁵ Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mitteko 20:35 ပူးပေါင်းရင်းမြစ်များ

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Mateyu 10:8

Mwaachiriheke oovoriiwa, mwaavenyiheke athu ookhwa, mwaweelliheke athu amakate navettho mwakhumiheke minepa ddoonanara. Mwahaakhella moohillivella nanyeenettho mwaavaheke moohillivelliwa.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Yesaya 35:3

Mullipihe matta oofooka, mwaavahe masiva makuttha oovelleveddeya.

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Mitteko 20:20

Munnadduwella wi ngaawiipitthihalle ello yawi yaawerowukaviherani kallalleyeemi ni ohuddiha vamiitthoni va athu ni m'mampa mwanyu.

Yesaya 32:8

Koma ooreera murima anaganizella ddaphaama nave anallipihella weera ddaphaama.

2 Akorinto 12:13

Ethiyo tti tini keerelleemi mipingo ddimodda kihiweerelleemini, ohiya wi nguukatamihalleni vawuuvekani nikavehero na makobiri? Kinuuvekani wi mukikhululukelle yoonanara yeella.

2 Akorinto 11:9

Nave enthawi ettheene kaariimi ni nyuwaano ngawuuhoosilleni ni nikavihero kapaalleemi makobiri. Asinnaka ni arokoraka oovenyera o Masedoniya yaakivaha ddeko kapaalleemi. Khalle ngawuukatamihalleni navettho muhoollommo nguukatamihani!

1 Atesalonika 4:11

Mweeseeseke okhalla oomaalleya nave mullipaneke ni ddanyookhaanyu nave muphareke mutteko ni mattaanyu wonanko mmo nuulleelleeyeni khalle,

2 Akorinto 11:12

Kineerovirellella weera nndda kineereemi vano wi amurummwa amoddaayo ehiphwanyellevo mpata wookota voollotani wi ennaphara mutteko wonanko hiyaano.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Mitteko 20:34

Munnadduwella nyookha wi kaphanre mutteko ni mattaakaalla wi kiphwanye eyo miyaano ni akhwaaka napaalleehu.

Mitteko 20:36

Paulo amallihalleeye ollotanko, aakokhorana athwaalle avekella.

3 Yohane 1:7

Vawi yaatimulla olendwiiwa ekaamba ya nnddina na Khrisitu ehaakhullenlle nikavihero ovenyera wa athu oohikhulupilila.