Mitteko 20:30 - Mawu a Mulluku

³⁰ Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

Mitteko 20:30 ပူးပေါင်းရင်းမြစ်များ

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Miyambo 23:33

Miitthwaawo eneerekewoona ddeko ddeelleto nave oneerekollota ddookhoromana.

Mitteko 11:26

Amuphwanyilleeye, aamukusella o Antiyokeya nave wa muyakha muttheene yaakumana ni mpingo ni ohuddiha mulloko wa athu muullupalli. Waari o Antiyokeya nko ookhulupilila yaambilliiwa oromolliwa wi akhrisitu.

Miyambo 19:1

Muthu oohoowa oororomelleya annamukhwaranya awoottha ookarangeya.

Yawuupullulla 2:6

Koma ello yaphaama muneereenyu tti yawi, munnaphwanaphwana ni miyaano vawiitanani ni ddaweera dda a Nikolai.

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

1 Timoteo 5:13

Waanjerera vaavo, ennahudderattho olesi, okhallella weeteeta m'mizi mwa athu amodda. Nave yoonanaresesa tti yawi ennahuddera miseche ni otthuperiwa ni ddaaneena nave ollotattho ddoohiphwanella ollotiwa.

Mitteko 21:38

Vano weyaano khe mu Iguputo oyo mallapo akhalle aambihalle mapokoso nave aahoollella athu oonanara 4,000 ayaana ochipululuni?”

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

Yesaya 59:3

Vawi mattaanyu yooripihiwa ni nikhame na machimo manchichi. Eyano ddanyu ddoollota ddawoottha ni ddoonanara.

Daniele 11:34

Athwaayo yaahoosiwaka ddiiddo amodda eneerewaakavihera koma anchichi ookaviheraayo enaakhalle oolleka.

2 Akorinto 11:13

Yaayo tti amurummwa awoottha ayo enoottha dda muttekwiiwa nave eddeelliha weekhiiwa wi yooneyeke wonanko amurummwa awoona a Khrisitu.