Mitteko 20:28 - Mawu a Mulluku

²⁸ Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 20:28 ပူးပေါင်းရင်းမြစ်များ

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Ezekiele 34:31

Nyuwaano tti enkhosa ddaka, nnddo kinaddichiheemi nave miyaano tti Mullukwaanyu. Mi Apwiya Mulluku koollota.

1 Timoteo 3:5

Vawi muthu ahinawora weetiha nibanja naye phaama, aneetihe mwawiidde mpingo wa Mulluku?

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

Aefeso 1:14

Munepa yoolla tti echikole ya madaliso ayo Mulluku aanilonjezilleeye wi nineerovullusiwa. Ottekweenaaye otitimihiwe!

Agalatiya 1:13

Moolleelliwa mmo kakhallelleemi voollapellani mu Eyuda, mmo kahoosilleemi mpingo wa Mulluku moohimoriwa ethakaraka nave kaheeseesa woononga mpingooyo.

Mitteko 20:29

Kinnadduwella wi kavira, oneeroowa enama ddamuhakani ddawoopiha variyari vanyu nave ddineerewoononga mpingooyo.

Mitteko 20:17

Paulo aariiye o Mileto ahaarumihella mawu attekweene a mpingo* wa o Efeso wi akumanena.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Akolose 4:17

Nave mullote wa Arkipo wi, “Woonesese wi ovirellelle ophara mutteko wa waarumeyella Apwiya oyo wavahiwiiwa ophiyera omanlle.”

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

1 Akorinto 15:9

Vawi miyaano tti murummwa ooyevesesa mwa attheene. Nginaphwanella wi keeriwe murummwa kaambiiwa kaahoosa mpingo wa Mulluku.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Tito 1:7

Vawi oohoollella mpingo anaphwanella ahikhalle ni yookayikella kaambiiwa olliye ari wonanko kapitawo a munibanjani na Mulluku. Ahikhalle awiitukhulla apaalle awaakuva osha murima apaalle oolezela apaalle a maraapwa apaallettho a nrima na makobiri.

Akolose 1:14

Vawi noottaphulliwa ekaamba ya olliye, machimwaahu aakhululukiwa.

1 Akorinto 11:22

Khamunna m'mawaninyu moochellamo ni moowiryellamo? Apaalle munapaalla ovevulla mpingo wa Mulluku ni waawulliha muru athu ehinna ello? Kuulleelleni tini dda ddenndda? Kuuriiheni? Ata, nguuriihani!

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Zekariya 11:4

Apwiya Mullukwaaka yaakilleella wi, “Wehera phaama enkhosa nnddo ddinaya wawiiphiwa.

Ezekiele 34:3

Munnawirya mukaka, munnawara dda obweya nave munniipha enama ddooneneva koma woohiddipwatha enkhosa.

Yeremiya 13:20

Nyu a o Yerusalemu, tukhullani miitthwaanyu moone! Adanaanyu enavenyera ompoto! Ethiyo enkhosa nnddo ddahiyiwe m'mattani mwanyu ddiri wuuwi, enkhosa ddanyu ddooreeranndde?

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Miyambo 10:21

Eyano ya muthu oolungama ennaapindulella athu anchichi koma ookarangeya anniiphiwa vooramani ezeru.

Masalimo 74:2

Wuupuwelleni athwaanyu ayo mwaapatulalleenyu ovenyera khalle, mutundu oyo mwawooponlleenyu wi okhalle yoohallanaanyu. Upuwellani mwaango wa Ziyoni nko mwakhanllekeenyuwo.

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Aroma 16:16

Muvahaneke mooni mwa echikondi ya ookhulupilila. Mipingo ddittheddene dda Khrisitu ddinnuuvahani mooni.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

1 Timoteo 3:1

Mawaalla tti oororomelleya awi muthu aapaallaka okhalla oohoollella mpingo annapaalla mutteko waphaama.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.