Mitteko 20:19 - Mawu a Mulluku

¹⁹ Kahaarumeyella Apwiya mowiiyeviha nave naari omora miitthori enthawi ya ddookatamiha ayo yawiille ekaamba ya Ayuda amodda ayo yiiwanana wi ekiiphe.

Mitteko 20:19 ပူးပေါင်းရင်းမြစ်များ

Akolose 3:24

Upuwellani wi Apwiya eneerewuuvahani madaliso ayo aasungenlleeye athwaaye. Vawi Khrisitu sika Apwiya munaarumeyelleenyu.

2 Akorinto 2:4

Kahuulembellani mookatamihiwa murima ni okhupanya ni miitthori ddinchichi. Vawi yoolingaaka kheyaari yawi kuuvoriiheni murima koma yawi mudduwelle wi munnakikonda wunchichi.

Aroma 12:11

Mwaallipihellaka ophara mutteko wa waarumeyella Apwiya muhikhalle oolesi koma mwaarumeyelleke ni murimaanyu muttheene.

Mitteko 20:3

Wenko aakhallawo miyeri miraru nave ahanlle vang'ono wi atimulleke ayeeke o Siriya aadduwella wi waakhalla Ayuda ayo yiiwanana wi emwiiphe. Sika aahokollowa oweella o Masedoniya.

2 Akorinto 7:5

Naari naphiyalleehu o Masedoniya khanaawiithuuwalle. Ddoohoosa ddaari virive veko. Vaakhalla okangana ni athu amodda navettho woova m'mirimani ddahu.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yakobo 1:2

Asinnaka ni arokoraka, muhakallalleke mwaaweesiwaka moohiyanahiyana,

Afilipi 3:18

Kahuulleellani yeella khalle enthawi ddinchichi, vano kinnuulluulla yeella moowinlla. Athu anchichi enakhalla wonanko adani a okhwa wa Khrisitu vamutandani.

Aefeso 6:7

Muphareke muttekwaanyu moohakallalla, wonanko munarumeyella Apwiya nave ohiri athu shisha.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

2 Akorinto 3:5

Kheyiivo erive ello enaaneerihe ollota wi hiyaano ninnawora ophara mutteko yoolla koma masiva yaalla enavenyera wa Mulluku.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

1 Petro 1:6

Hakallallani ni nnddo Mulluku eerilleeye naari vano mukhallaka ookhupanya enthawi yooyeva ekaamba ya ohoosiwa ni weesiwa woohiyanahiyana.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

2 Timoteo 1:4

Kaawuupuwellaka miitthori ddawo, kinnapaallesesa owoona weyaano wi kihakallalle wunchichi.

Mitteko 17:5

Nave Ayuda amodda yahaakhallella ehache Paulo ni Sila, eya yaatthukumaniha athu oonanara ni aweeta shisha m'musewuni. Yahaambiha mapokoso m'muzindani mutthemwene mulle nave yaaya o enyumba ya muthu mmodda nnddina naye Yasoni wi yaaphwanyawo Paulo ni Sila yaakhumihelle vaatte vamiitthoni va athu.

Mitteko 21:27

Nave mallapo matthanu ni meelli a oddeelliha yahaanlliiwa vang'ono omalla, Ayuda amodda oovenyera o echigawo ya Asiya* yaamoona Paulo mu enyumba ya Mullukummo. Yahaakopa athu attheenaayo nave yaamuphara Paulo.