Mitteko 20:16 - Mawu a Mulluku

¹⁶ Paulo aapaalla wi eete vakallawani moowaapheella o Efeso wi ahiselliwe mu echigawo ya Asiya. Ahaakuvella o Yerusalemu wi wakhalla wooworeya aphiyewo va nllapo na Pentekosite.

Mitteko 20:16 ပူးပေါင်းရင်းမြစ်များ

1 Akorinto 16:8

Kinaakhalle wuno o Efeso ophiyera nllapo na Pentekosite.

Mitteko 2:1

Nllapo na Ehakallallo ya Pentekosite naphiyalliiwa, athu ayo yamukhulupilila Yesu yaatthukumana vanipuroni nimodda.

Mitteko 19:21

Ddimallille ddenndda Paulo aaganiza wi avirelle o Masedoniya ni Akaiya vooyaani o Yerusalemu. Aallota wi, “Kaavenyeraka wenko, kinaphwanella wi kiyettho o Roma.”

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

Mitteko 21:4

Nahaaphwanyawo ookhulupilila nave naakhalla ni alliwa wa mulungu mmodda. Mwa Munepa Waweella yaamulleella Paulo wi ahiye o Yerusalemu.

Mitteko 20:22

Nave vano, moowiiwellella Munepa Waweella kinaya o Yerusalemu, moohidduwella eyo enaakeereyellewo.

Mitteko 20:13

Naahoolla niwenlle ekallawa nave naheeta oya o Aso, nayiillewo wi namukuse Paulo. Anilleelle tti Paulooyo wi neere ddiidda kaambiiwa apaalla weeta vamutundani oya o Aso.

Mitteko 20:6

Hiyaano naheeta vakallawani ovenyera o Filipi emanlle Ehakallallo ya Buledi Oohikhalla ni Yisiti nave viviralle mallapo matthanu nahaaphwanya o Troasi nko nakhanlleehuwo mulungu mmodda.

Mitteko 18:21

Aallaanyeeye ahaalleella wi, “Waari opaalla wa Mulluku, kineerohokollowattho.” Sika aawella mukallawani avenyawo o Efeso.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Mitteko 12:13

Petro ookothilleeye nchiwi na mullako wa vaatte, namwalli nnddina naye Roda oyo aari mullupa mutteko aawa wi amuhullelle.

Mitteko 16:6

Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

Mitteko 20:4

Yamuvelleelle yaari Sopatere mwaana a Piro a o Bereya, Aristariko ni Sekundo a o Tesalonika, Gayo a o Derbe Timoteo ni Tikiko owaakattho Trofimo a o Asiya.*

Mitteko 20:18

Yaphiyalliiwa, aallota wi, “Munnadduwella makhallellwaaka mallapo mattheene kaariimi ni nyuwaano, waambeella nllapo kaphiyalleemi o echigawo ya Asiya.