Mitteko 2:5 - Mawu a Mulluku

⁵ Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Mitteko 2:5 ပူးပေါင်းရင်းမြစ်များ

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Mitteko 22:12

“M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 10:7

Nave mungeloolle aavenyavo, vano Korineliyo aawiithana allupa muttekwaaye eelli owaaka akhoto mmodda oyo aari oomullapella Mulluku nave oyo aari ovenyera mwa ayo yamurumeyella Korineliyo.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 8:27

Nave aavenya ayaawo. Vano waakhalla muthu mmodda oohulliwa* oovenyera o Etiyopiya. Olliye aarittho muullupalli oomurumeyella Kandake, mwene aamutthiyana a o Etiyopiyanko ni oowehera eyuumaaye ettheene. Awiille o Yerusalemu wi amullapelle Mulluku.

Mitteko 2:1

Nllapo na Ehakallallo ya Pentekosite naphiyalliiwa, athu ayo yamukhulupilila Yesu yaatthukumana vanipuroni nimodda.

Yohane 12:20

Agriki* amodda yaari nimodda ni ayo yawiille o Yerusalemu woomullapella Mulluku va Ehakallallo ya Paska.

Luka 24:18

Mmoddooyo nnddina naye Keleopa, aamukoha wi, “Nyu tti mulleto yooyove mu Yerusalemummu ahinadduwella ddeko ddeereyille mallapo yaalla?”

Luka 17:24

Vawi nllapo na mi, Mwaana a Muthu, ninaawe wonanko ettari enasherima muddullu ovenyera wookhuma nndduwa ophiyera woovollowa nndduwa.

Mateyu 24:14

Vano othenga waphaamoolla wa omwene wa Mulluku oneerollalleyiwa va ellapo ettheene yavatthimva wi ekhalle omboni wa athu attheene; nave vaavo eneerophiya mamallihello.

Zekariya 8:18

Mawu a Apwiya Amasiva Mattheene yaawa wa miyaano wi,

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.