Mitteko 2:46 - Mawu a Mulluku

⁴⁶ Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 2:46 ပူးပေါင်းရင်းမြစ်များ

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mitteko 16:34

Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.

Akolose 3:22

Akaporonyu muwiiwellelleke apwiinyu a vatthimva mu ddeko ddittheddene, ohiri yaawuuweherakanive kaambiiwa munapaalla mwaahakallallihe nave mweereke ni murimaanyu muttheene ekaamba ya owoova wanyu Apwiya.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Luka 24:53

Nave mallapo mattheene yaanatthukumana mu enyumba ya Mulluku, emutitimihaka Mulluku.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Mitteko 5:21

Amurummwaayo yahiiwellella nave ohinase yaavollowa mu enyumba ya Mulluku yaamba ohuddiha. Mullupa mukutho muullupalli ni akhwaaye yaawiithana attekweene attheene a millatu a Ayuda omutthukumanoni wa vanthatoni namillatu. Vano yahaarumiha akhoto ondende wi yaakuse amurummwaalle eweena vamiitthoni viwa.

Mitteko 3:1

Nllapo nimodda Petro ni Yohane yaaya o enyumba ya Mulluku 3 koloko otthaana eyo yaari enthawi yamavekello.

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

Mateyu 6:22

“Miittho tti wonanko enyali ya mwiilli. Miitthwaawo yakhalla aphaama, mwiillaawo muttheene onnaddalliwa owala.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Aefeso 6:5

Akaporonyu, muwiiwellelleke apwiinyu a va ellapo yavatthi moovelleella olemu wunchichi. Nave mweereke ddiiddo ni murimaanyu muttheene, wonanko munamurumeyella Khrisitu.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.