Mitteko 2:32 - Mawu a Mulluku

³² Olla tti Yesu oyo Mulluku amuvenyihalleeye wa ookhwa nave attheenehi niri amboni a yeella.

Mitteko 2:32 ပူးပေါင်းရင်းမြစ်များ

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 4:33

Amurummwaayo yaavelleella omboni mwamasiva muullupalli dda ovenya wa ookhwa wa Apwiya Yesu nave Mulluku aaweerella echifundo yuullupalli.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Yohane 15:27

Nave nyuwaano muneerovelleellattho omboni dda miyaano vawi mwaari ni miyaano ovenyera kaambeelleemi muttekwaaka.

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Mitteko 5:30

Mulluku a makhollwaahu aamuvenyiha Yesu wa ookhwa, nyuwaano mumwiiphalle nave mumutthomeyille vamutandani.

Mitteko 13:30

Koma Mulluku aamuvenyiha wa ookhwa.

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

1 Akorinto 6:14

Mulluku ahaavenyiha wa ookhwa Apwiya, sika aneeronivenyiha hiyaano ni masivaaye.

1 Akorinto 15:15

Ovirellella yeeyo, ninnooniwa wi ninnoottha dda Mulluku kaambiiwa naavelleella omboni wi aamuvenyiha Khrisitu wa ookhwa. Nave ddakhalla ddawoona wi athu ookhwa khenavenyihiwa, vano Mulluku khaamuvenyihalle Khrisitu.

2 Akorinto 4:14

Ninnadduwella wi Mulluku, oyo aavenyihalle Apwiya Yesu, aneeronivenyihattho hiyaano wonanko mmo eerilleeye ni Yesu nave ni onikusellattho vamiitthoni vaye vamodda ni nyuwaano.

Agalatiya 1:1

Ovenyera wa miyaano Paulo, murummwa oyo wiithaniwa waye wahivenyenre wa athu apaalle oweella wa athu koma wa Yesu Khrisitu ni Mulluku Attiitthiihu ayo yaamuvenyihalle Yesu wa ookhwa.

Aefeso 1:20

ayo aapharihalleeye mutteko voomuvenyihani Khrisitu wa ookhwa nave amukeraatthiha o nnattanatta oddullu.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.