Mitteko 2:20 - Mawu a Mulluku

²⁰ Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Mitteko 2:20 ပူးပေါင်းရင်းမြစ်များ

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

1 Atesalonika 5:2

Vawi nyuwaano nyookha munnadduwella phaamaddene wi nllapo na Apwiya nineerophiya wonanko mullupaawiiya mahiiyu.

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

Luka 21:25

“Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja.

Mariko 13:24

“Enthawi yeeyo ddamalla ddoohoosa ddennddo, nndduwa nineerothiima nave mweeri khowala.

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Yawuupullulla 16:8

Mungelo aneesese aahella embalaaye vanndduwani nave nahaakhullelliwa wi niwaavulle athu ni oviha wiwa wawoopiha.

Yawuupullulla 6:12

Nave kaamoona mwaanaankhosa amarullaka yoomarella yaneetthanu ni emodda. Vaakhalla echivomerezi yuullupalli nave nndduwa naathiima wonanko ekuwo yooripa ya naamukhwelle nave mweeri muttheene waatthattuwa okhalla woofiira wonanko nikhame.

1 Akorinto 5:5

Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Yeremiya 4:23

Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Yesaya 34:8

Ella sika enthawi eyo Apwiya eneeriiwa yaahokolloselle adani a Ziyoni ni waateteza athwiiwa.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yesaya 13:15

Arive muthu anaaphwanyeye aneerohomiwa nave ari muthu anaaphariwe aneerewiiphiwa ni nsupada.

Yesaya 13:9

Ddawoona, nllapo na Apwiya ninimawa, nllapo noohikhalla ni ethakaraka, noosha murima ni nawoopiha. Apwiya enimawa wi etthattuse ellapo yavatthi wi ekhalle echipululu ni owoononga athu oochimwa ookhalla mwemmo.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Mitteko 2:21

Vano attheene ayo enaawiithane mu nnddina na Apwiya eneerovullusiwa.’ ”