Mitteko 2:11 - Mawu a Mulluku

¹¹ Ayuda owaakattho ayo yahiri Ayuda koma yaanathwara echikhulupililo ya Ayuda navettho amoddahi nivenyenre o ellapo dda Krete ni Arabu. Attheenehi ninnawiiwa alliwaayo mu ellotello ddahu dda mitteko dduullupalli nnddo enre Mulluku.”

Mitteko 2:11 ပူးပေါင်းရင်းမြစ်များ

1 Akorinto 12:10

Munepooyo annamuvaha muthu mmodda masiva aweerana ddoottikhiniha, wa mmodda emphaso yoollotella, wa mmodda ezeru ddoohiyaniha emphaso ddoovenyera wa Munepa ni nnddo ddihinavenyera wa Munepa. Wa muthu mmodda anamvaha masiva ollota ellotello ddoohidduwanyeya;* nave wa mmodda anamvaha masiva oottaphullella ellotellonnddo.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

Tito 1:12

Mmodda a yaayo, namallotella, aallota wi, “Akrete tti awoottha enthawi ddittheddene, enama ddoonanara ni oolesi wa nrima.”

Yeremiya 25:24

Yaakirumattho wa mamwene mattheene o Arabiya ni wa mamwene mattheene ookhalla mu echipululu.

Masalimo 26:7

Kinniipa nchipo noothokoza, kinnallalleya mitteko ddanyu ddoottikhiniha.

Yobu 9:10

Olliye sika aneera dduullupalli ddoohiiweseseya, oyo aneera ddoottikhiniha ddooheerengeya.

Tito 1:5

Kahuuhiya o Krete wi otthopoolle ddeko ddennddo ddihinatthopoowe ni wi waatthoolle attekweene a mpingo* mu erive etawoni wonanko mmo kuulamulalleemi wi

Mitteko 27:12

Vawi khawaari waphaama okhalla vadokonimvo ekaamba yooriirya, sika athu anchichi yaaneesa ovenyawo enaya o Foenikisi va enthawi ya nakhuttweeyo. Foenikisi tti doko na o Krete noowehana ni omwera wa woovollowa nndduwa ni ompoto wa woovollowa nndduwa.

Mitteko 27:7

Naheeta vang'ono vang'ono wa mallapo manchichi nave naahoowa wi naphiye mu etawoni ya Kinido. Ephevo yaanihoosave wawi nallapuwelle echilumba ya Krete nikhwaranyille Salmone.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yesaya 28:29

Ezeru ddenndda ddinavenyera wa Apwiya Amasiva Mattheene. Malangizwiiwa tti oottikhiniha nave ezeru ddiwa tti ddoopambana.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Yesaya 13:20

Athu khewa ekhallamottho va mibado ddittheddene. Arive Aweeteeta khawa amakawottho musasa wenko nave arive mbusa khawa achihawottho eziweto ddaye.

Masalimo 136:4

Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Masalimo 107:21

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene

Masalimo 107:15

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene.

Masalimo 107:8

Yaathokoze Apwiya ekaamba ya echikondiiwa yoohisintheya ekaamba ya ddoottikhiniha ddiwa wa athu attheene.

Masalimo 96:3

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.

Masalimo 78:4

Kheniddivittha wa edduullu ddiwa, koma nineerotthopoollella mbado wa muhoollo mitteko ddootitimiheya dda Apwiya, ni waalleella masivaaye ni ddoottikhiniha nnddo yeeriiwa.

Masalimo 77:11

Nyu Apwiya, kineerewuupuwella mitteko ddanyu, ddawoona, kineerewuupuwella ddoottikhiniha ddanyu ddakhallekhalle.

Masalimo 71:17

Nyu Mulluku, mookihuddiha waambeella enamwanaaka, ophiyera ollello kinnallalleya mitteko ddanyu ddoottikhiniha.

Masalimo 40:5

Nyu Apwiya Mullukwaaka, mooweerella ddoottikhiniha anchichi, moonikhonzera ddoolinga ddaphaama. Khaavo naari mmodda anaphwanaphwana ni nyuwaano. Keehina killota nave kitthopoolle dda ddenndda, ngiwora weerenga ddittheddene ekaamba ya waata wiiwa.

2 Epilli 26:7

Mulluku aamukavihera voowanani ni Afilisti, Aarabu ayo yakhalla o Guribaala ni Ameuni.

2 Epilli 17:11

Afilisti amodda yaawaana emphaso wa Yehoshafati ni siliva a musonkho. Nave Arabu yaawaanattho anankhoro a enkhosa 7,700 ni anankhoro a epuri 7,700.

1 Mamwene 10:15

oohimweerengella oyo avenyera wa allupa malonda ni alleto ni oyo avenyerattho wa mamwene mattheene a o Arabiya ni wa enduna dda mu ezigawo.

Agalatiya 1:17

Naarittho ngaayiille o Yerusalemu wi kawoone ayo yaari amurummwa miyaano kihinakhalle. Koma enthawi yeeyo kaaya o Arabiya nave ovenyera wenko kaahokollweella o Damasiko.

Yesaya 21:13

Nngu sika ollotella wa dda Arabiya. Nyu athu a o Dedani, aweeta vamullokoni ayo mahiiyu munakona mu otthako wa o Arabiya,

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

Mitteko 2:10

Frijiya, Pamfuliya ni Iguputo ni ezigawo dda Libiya waatamella o etawoni ya Kurene. Amoddahi nivenyenre o Roma,

Mitteko 2:12

Yattikhinalliiwa, ekhwille mullakallaka yaakohana wi, “Yeella sika tini?”

Mitteko 27:13

Ephevo yaphaama yahaamba woopa mooyeva nave athwaalle yaganiza wi eneereweera ddoopaalla ddiwa, sika yaamuhullulla nangula* etimulla voolendoniiwa yeeta vakhuviru ni echilumba ya Krete.