Mitteko 19:35 - Mawu a Mulluku

³⁵ Nave namalembella a m'muzindanimmo sika aworille waamaalliha athwaalle nave allota wi, “Aefeso akhwaakanyu, ttaani ahinadduwella wi o Efeso wookhalla enyumba yoomullapellamo Artemi muullupalli ni ddawi mookhalla ni nlluku nno namonre ovenyera oddullu nave ninnallapelliwa?

Mitteko 19:35 ပူးပေါင်းရင်းမြစ်များ

1 Timoteo 4:2

Ehuddiho ddennddo ddinavuwihiwa ni oohoollosa awoottha ayo yawuupusella murimiiwa tti yookhwa wonanko yoosiwe ni musivello.

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Mitteko 19:34

Koma yadduwenlliiwa wi tti Muyuda, attheene yaakhuwa vamodda wonanko vawaamba valle wa maora meelli wi, “Muullupalli tti Artemi a athu a o Efeso!”

Mitteko 19:36

Khaavo anaawore okhoota ddeko ddenndda. Sika vano, mumaalle nave muheere ddeko moohiganizera phaama.