Mitteko 19:18 - Mawu a Mulluku

¹⁸ Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.

Mitteko 19:18 ပူးပေါင်းရင်းမြစ်များ

Aroma 10:10

Vawi ninalungamihiwa vamiitthoni va Mulluku ekaamba ya echikhulupilwaahu nave ninavullusiwa ekaamba ya waakhullella wahu.

Mateyu 3:6

Yaalapa machimwiiwa nave ahaabatiza athwaayo mu Yordani.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

Ezekiele 36:31

Vano muneerewuupuwella makhallellwaanyu ni mitteko ddanyu ddoonanara. Muneerowulliwa muru ekaamba ya machimwaanyu ni ddoonanara nnddo mwaddeerilleenyu.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Levitiko 26:40

“Vano edduullu ddanyu ddineerowulula machimwiiwa ni machimo a makhollwiiwa ekaamba ya ohiroromelleya wiwa nko yakillekilliiwana navettho ekaamba ya weeta moovaanyihana ni miyaano.

Levitiko 16:21

Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni.

Mitteko 19:17

Ayuda attheene ni athu ayo ehiri Ayuda ayo yakhalla o Efeso yahiiwa ddenndda. Nave attheene yahoova nave nnddina na Apwiya Yesu naariihiwa wuullupalli.

Mitteko 19:19

Anchichi a ayo yaari amasenga yaawaana mabukhwiiwa vamodda nave yoosiwa vamiitthoni va athu. Yeerengiwiiwa vamodda mutengo wa mabukhwaayo waari muullupalli.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.