Mitteko 19:17 - Mawu a Mulluku

¹⁷ Ayuda attheene ni athu ayo ehiri Ayuda ayo yakhalla o Efeso yahiiwa ddenndda. Nave attheene yahoova nave nnddina na Apwiya Yesu naariihiwa wuullupalli.

Mitteko 19:17 ပူးပေါင်းရင်းမြစ်များ

2 Atesalonika 1:12

wi nnddina na Apwiihu Yesu nititimihiwe mwa nyuwaano ni nyuwaano mwa alliwaayo moollikana ni echisomo ya Mullukwaahu ni ya Apwiya Yesu Khrisitu.

2 Atesalonika 3:1

Voomallihella, asinnihu ni arokorihu, munivekellelleke hiyaano wi othenga wa Apwiya ovirellelleke ovuwa mwawaakuva navettho waakhelliwe ni ntitimiho, wonanko mmo weerelliiwa mwa nyuwaano.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Mitteko 13:12

Vano oolamulellooyo oonilleeye ddeereyennddo aakhulupilila nave aattikhina ni ehuddiho ya dda Apwiya.

Mitteko 5:11

Mpingo muttheene ni athu amodda attheene ayo yiiwalle ddenndda yahoova.

Mitteko 5:5

Ananiya iiwalleeye mawu yaalla, ahiikuha akhwa nave attheene ayo yiiwalle dda yeella yahoova.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Mitteko 5:13

Kheyaarivottho athu amodda ayo yatthukumannena vamodda ni mpingooyo kaambiiwa athu yaanoova koma athwaayo yaanallota ddaphaama ddiwa.

Mitteko 2:43

Ddoottikhiniha ni ezizindikiro ddinchichi ddaheeriwa ni amurummwaayo nave athu attheene yahoova.

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Luka 1:65

Nave athu attheene awaatamanana yahoova nave epilli ya ddeko ddenndda yaavuwa mu echigawo ettheene yamiyaango ya Yudeya.

Masalimo 64:9

Sika athu attheene eneerewoova, eneerollota dda mitteko dda Mulluku, eneeroganizella nnddo eerilleeye.

2 Samuele 6:9

Vano nllapo nenno Davide aawoova Apwiya nave aakoha wi, “Ethiyo nibokosi na echipangano na Apwiya ninaaphiye mwawiidde owanihu?”

1 Samuele 6:20

Vano athu a o Beteshemeshi yaallota wi, “Ttaani anaawore wiimella vamiitthoni va Apwiya Mulluku Aweella? Nave nibokosi na echipanganonna ninaaye wuuwi wi nivenyewo wuno?”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Mitteko 18:21

Aallaanyeeye ahaalleella wi, “Waari opaalla wa Mulluku, kineerohokollowattho.” Sika aawella mukallawani avenyawo o Efeso.

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

Mitteko 19:16

Muthu ookhalla ni munepa woonanarooyo ahaalluphella aaphara attheenaayo nave aagonjiha. Wawi yaathawa ovenyera mpammo ephoreyille nave ddoowara ddiwa ddaahuwalle.

Mitteko 19:18

Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.