Mitteko 19:1 - Mawu a Mulluku

¹ Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

Mitteko 19:1 ပူးပေါင်းရင်းမြစ်များ

1 Akorinto 16:12

Vano dda munnihu Apolo, kaanamullipiha murima wunchichi wi awe owaninyunko ni ookhulupilila amodda koma olliye khaapanlle wi awe veneva. Nave aneeroowa akhalla ni enthawi.

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

Mitteko 18:1

Ddimallille ddenndda Paulo aavenyawo o Atene aya o Korinto.

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Mitteko 19:17

Ayuda attheene ni athu ayo ehiri Ayuda ayo yakhalla o Efeso yahiiwa ddenndda. Nave attheene yahoova nave nnddina na Apwiya Yesu naariihiwa wuullupalli.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Mitteko 20:16

Paulo aapaalla wi eete vakallawani moowaapheella o Efeso wi ahiselliwe mu echigawo ya Asiya. Ahaakuvella o Yerusalemu wi wakhalla wooworeya aphiyewo va nllapo na Pentekosite.

Mitteko 20:18

Yaphiyalliiwa, aallota wi, “Munnadduwella makhallellwaaka mallapo mattheene kaariimi ni nyuwaano, waambeella nllapo kaphiyalleemi o echigawo ya Asiya.

Mitteko 21:29

Yallotille ddenndda kaambiiwa yaamoona Trofimo oovenyera o Efeso ari ni Paulo m'muzindanimmo, sika yeesa wi Paulo oomukusella mu enyumba ya Mulluku.

1 Akorinto 4:6

Asinnaka ni arokoraka, killotilleeminndda tti dda miyaano ni Apolo wi nikhalle echisanzwaanyu wi dduuhuddiheni ottaphullella mawu awi, “Muthwareke nnddo ddalembiwe.” Vano muhiitukhulleke mwa muthu mmodda ni omuvevulla mmodda.

1 Akorinto 15:32

Moollikana ni oganiza wa athu, yoowanella ni enama ddamuhakani wonanko keerelleemi wa Efeso tti tini? Nave athu ookhwa yaarimi ehivenyihiwe vano hankoni neere wonanko mmo athu enallotelliiwa wi, “Hankoni niche nave niwirye vawi osiisello nineerokhwa.”

1 Akorinto 16:8

Kinaakhalle wuno o Efeso ophiyera nllapo na Pentekosite.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.