Mitteko 18:6 - Mawu a Mulluku

⁶ Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”

Mitteko 18:6 ပူးပေါင်းရင်းမြစ်များ

Ezekiele 33:4

Mmodda iiwa nipallapatanno koma ahinapwathawo nave adani yawa emwiipha, nikhame ninaakhalle va muru vaye.

2 Samuele 1:16

Vano Davide aallota wi, “Oddiiphihalle weekha vawi waallota wi, ‘Kaamwiipha oozoziwa a Apwiya.’ ”

Ezekiele 18:13

ookongoliha wi apindulevo ello apaalle waakhella yawoonjereravo. Ethiyo muthu awi ddiidda ttuukhalla ni okumi? Iyaayi, khakhalla ni okumi. Ekaamba yawi aheera ddoonanara ddittheddenenndda, aneerokhwa nave nikhame naye nineerokhalla vamuru vaye.”

Nehemiya 5:13

Vano kaattaphulla kittattha yoowaraaka killota wi, “Emoddamoddave yeeyottho Mulluku amuttatthe arive muthu ahinaaweere nnddo alonjezilleeye. Sika yooyo attatthiwe nave ahoowe, ahikhalle ni ello.” Nave mutthukumano muttheene wahaakhulla wi, “Amen” wahaatitimiha Apwiya. Nave athu yaheera nnddo yalonjezilliiwa.

Mitteko 13:51

Amurummwa eellaalla yaattattha nthupi omanyalloni wiwa mowaavaanyiha nave evirellella olendwiiwa oya o Ikonio.

1 Petro 4:4

Nave athu oohimullapella Mulluku ennoona ddeelleto mwaahikhalla ni alliwa vaweerani ddoonanara, sika ennuullotellani epewe.

Luka 9:5

Nave athu yaahiwaakhellaniwoni, venyaniwoni nave muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa.”

Mateyu 27:25

Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Aroma 3:29

Ethiyo Mulluku tti a Ayudave? Ethiyo kahiyottho Mulluku a athu ayo ehiri Ayuda? Ddawoona, tti Mullukuttho a athu ayo ehiri Ayuda.

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Mitteko 26:11

Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

Mateyu 22:10

Sika allupa muttekwaalle yaaya omisewuni wulle yaatthukumaniha attheenaayo yaaphwanyilliiwa, oonanara naari aphaama vawi enyumba ya machellello yaaddalla ni awiithaniwa.

Mateyu 10:14

Arive muthu aahiwaakhellani apaalle owiiwellellani, venyanivoni vanipuronimvo nave muttatthe nthupi omanyalloni wanyu.

Luka 22:65

Nave yaamullotella mawu mamodda manchichi a epewe.

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Levitiko 20:9

“Arive muthu anaatembelela attiitthinnya ni amennya iiphiwa vawi nikhame niwa ninaakhalle vamuruni vaye.”

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

1 Mamwene 2:33

Sika vano nikhame nineeromorella va Yowabu ni va edduullu ddaye wa enthawi yoohimalla. Koma murendelle wa Apwiya okhalle va Davide ni edduullu ddaye ni va mpandwaaye woomwene wa enthawi yoohimalla.”

Ezekiele 33:6

Koma mulonda oona wi adani enimawa, ahiipa nipallapata waachenjeza athu nave yamwiipha muthu mmodda naari muthooyo akhwenlle machimwaaye, nikhame ninaakhalle va muru va mulondooyo ekaamba ya okhwa wa muthooyo.

Mateyu 21:41

Yahaakhulla wi, “Eneerowiipha mowaahoosa oollima oonanaraayo apolleyihe emateeyo wa athu amodda, ayo enaamukawelle ezipaso ddampesa ddaye va enthawi yoohata.”