Mitteko 18:26 - Mawu a Mulluku

²⁶ Vano ahaamba ollota moollipa murima mu enyumba yamavekello. Prisila ni Akwila yamwiiwalliiwa, yaamukusella onyumbani wiwa, eya yamutthopoollella phaama dda ettilla ya Mulluku.

Mitteko 18:26 ပူးပေါင်းရင်းမြစ်များ

Aheberi 6:1

Vano hankoni nivirellelle ni mahuddero awooniha owaraalla. Noonjerere mahuddero mamodda vaddullu va mahuddero awaamba a dda Khrisitu. Nihikeraattheyettho va ddawaamba nnddo ddiri matthipello awi orukunuwe murima ohiya mitteko ddoohivaha okumi woohimalla, dda waamba omukhulupilila Mulluku,

1 Akorinto 12:21

Sika vano niittho khaniwora ollota ni nnatta wi, “Nginuupaalla weyaano!” Naari muru khowora ollota wa manyallo wi, “Nginuupaalla weyaano!”

Mitteko 18:25

Aahuddihiwa dda ettilla ya Apwiya nave moollipa murima aanallalleya ni ohuddiha dda Yesu phaama ddene naari adduwenlle dda obatizo wa Yohaneve.

Mitteko 14:3

Koma Paulo ni Baranaba yaakhallawo enthawi yoorekama, ellalleyaka moollipa murima dda Apwiya. Apwiya yaakhalla mboni a othengiiwa wa echisomwiiwa vawaavahani masiva aweera ezizindikiro ni ddoottikhiniha.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mitteko 8:31

Nave olliye aallota wi, “Kinaawiiwesese mwawiidde ahiivo oyo anakittaphullella?” Vano aamwiithana Filipo wi awelle akeraatthina vamodda.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Luka 19:26

Ahaakhulla wi, ‘Kinimuulleellani wi attheene erina ello, eneerewaanjereriwa ddimodda koma ayo ehinna ello naari ddooyeva eriiwanannddo eneerewaakhiwa.

Mariko 10:15

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Miyambo 25:12

Wa muthu awaapella maaru, ohumullulla weezeru tti wonanko endolo ya golide apaalle erive ello yawiireerihella ya golide.

Miyambo 9:9

Omulangize muthu eezeru nave aneerewoonjerereya okhalla eezeru, wamuhuddiha muthu oolungama aneerewoonjerereya okhalla oolungama.

Miyambo 1:5

Miyambonndda ddinnamoonjerera muthu eezeru odduwella nave ddinnamuhoollella muthu ohuddera phaama.

1 Akorinto 8:2

Ayo eneesa wi ennadduwella ddeko, khenadduwelle nnddo yaphwanelliiwa odduwella.

Mitteko 18:18

Paulo amallihalle okhalla ni ookhulupilila a o Korinto wa mallapo manchichi ahaahiya awella ekallawa ni Prisila ni Akwila eya o Siriya. Ahinawelle ekallawa o Kenkrea, Paulo aachema meehaaye kaambiiwa aallupella wa Mulluku.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.