Mitteko 18:24 - Mawu a Mulluku

²⁴ Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mitteko 18:24 ပူးပေါင်းရင်းမြစ်များ

Tito 3:13

Weeseese omukavihera Zena, mullupa a malamulo ni Apolo wi etimulle va olendwiiwa nave woonesese wi yookhalla ni erive ello enapaalleya.

1 Akorinto 4:6

Asinnaka ni arokoraka, killotilleeminndda tti dda miyaano ni Apolo wi nikhalle echisanzwaanyu wi dduuhuddiheni ottaphullella mawu awi, “Muthwareke nnddo ddalembiwe.” Vano muhiitukhulleke mwa muthu mmodda ni omuvevulla mmodda.

1 Akorinto 16:12

Vano dda munnihu Apolo, kaanamullipiha murima wunchichi wi awe owaninyunko ni ookhulupilila amodda koma olliye khaapanlle wi awe veneva. Nave aneeroowa akhalla ni enthawi.

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

Mitteko 27:6

Niri wenko akhoto muullupalloolle aaphwanya ekallawa yoovenyera o Alekizandriya yooya o Italiya, sika aaniwelliha.

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Luka 24:19

Yesu ahaakoha wi, “Ddawiidde?” Yahaakhulla wi, “Ddeko ddeereyille wa Yesu a o Nazareti. Muthu yoolla aari namallotella nave mitteko ddaye ni mawaaye ddaari ddamasiva vamiitthoni va Mulluku ni athu attheene.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Yesaya 3:3

oohoollella akhoto ni athu oovahiwa olemu, alangizi ni amasenga navettho eeruso ya ezitumwa.

Ezara 7:12

“Aritakisereksesi, mwene a mamwene, wa Ezara mullupa mukutho, muhuddihi eeruso a malamulo a Mulluku a oddullu, kinuuvahani mooni.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Eksodo 4:10

Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”

Mitteko 18:28

Vawi mwamasiva ahaavaanyiha Ayuda athu yoonaka, wooniha mwa mawu a Mulluku wi Yesu tti Mesiya.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Mitteko 18:21

Aallaanyeeye ahaalleella wi, “Waari opaalla wa Mulluku, kineerohokollowattho.” Sika aawella mukallawani avenyawo o Efeso.

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.