Mitteko 18:15 - Mawu a Mulluku

¹⁵ Koma kaambiiwa mwaha yoolla tti wa mawuve ni manddina owaakattho malamulwaanyu, nyeene sika munaphwanella wi mweeruze. Miyaano ngikhalla aweeruza ddeko ddenndda!”

Mitteko 18:15 ပူးပေါင်းရင်းမြစ်များ

Mitteko 23:29

Kaaphwanya wi khenre erive ello yoophwanella wiiphiwana naari ohiyiwana mundende koma mullatu enamwiipiiwa tti woohithwara malamulwiiwa.

Mitteko 25:19

Yallotilliiwa ddittheddene ddaari ddamallapellwiiwa nave dda muthu nnddina naye Yesu akhwilloolle koma Paulooyo anallota wi tti mukumi.

1 Timoteo 6:4

yooyo ttawiitukhulla nave khanadduwella erive ello. Nave murimaaye tti woonanara woopaalla ddoovaanyana, wenko onavenyera ehache, owana, ollotellana epewe, oganizerana ddoonanara,

Tito 3:9

Koma oheerekena ovaanyana wookarangeya va ntthopoollo na manddina a makhollo ni okangana ni ovaanyana dda malamulo vawi ddenndda tti ddoohikhalla ni mutteko ni ddoohipinduliha.

2 Timoteo 2:23

Okhooteke ddoovaanyana ddookarangeya ni ddoohikhalla ni ezeru, valle onnadduwella wi ddinnaambiha okangana.

1 Timoteo 1:4

Waalleelle wi ehiye miyaha ddoohikhalla ni mutteko ni weerenga ntthopoollo noorekama na manddina a makhollo. Ddenndda sika ddinaambiha okangana nave khaddinakavihera mutteko wa Mulluku oyo onadduwanyeya mu echikhulupililove.

Mitteko 26:3

Vawi nyuwaano munnadduwella phaama makhallello mattheene a Ayuda ni ohiiwanana wiwa. Kinuuvekani vano wi mukiiwellelle mwawiithaalla.

Mitteko 25:11

Kaarimi kiri muthu aweera ddoonanara nave kinnaphwanella wiiphiwa, nginakhoota wiiphiwanko. Koma enakivaanyihereewanndda ddaari ddawoottha, khaavo muthu anaphwanella okivelleella wa Ayuda. Kinapaalla wi keeruziwe ni Kaisara.”

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Yohane 18:31

Pilato ahaalleella wi, “M'mukuse nyuwaano mwamweeruze moollikana ni malamulwaanyu.” Yahaakhulla wi, “Khaninna olamulello woomwiipha muthu.”

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Mitteko 18:13

Ellota wi, “Muthu yoolla annaakopa athu wi emullapelleke Mulluku moohithwara malamulo!”